Японы "Комацу" үйлдвэрийн экскаватор "РС-1250”, "WA-600" төрлийн хоёр дугуйт ачигч өнөөдөр ажилд гарлаа. Эрдэнэт үйлдвэрт ашиглаж буй экскаваторууд цахилгаан хөдөлгүүртэй бол экскаватор "РС-1250” нь дизель хөдөлгүүртэй, 7 м3-ын багтаамжийн шанагатай, уруу хутгууртай, хяналтын системтэй аж. Энэхүү экскаваторыг “Transwest Mongolia” компанийн мэргэжилтнүүд, Ил уурхайн засварын хэсгийн ажилтнуудтай хамтран 7-14 хоногийн хугацаанд угсарчээ. Мөн парк шинэчлэлийн ажлын хүрээнд дугуйт ачигчуудыг нийлүүлсэн байна. Эдгээр техникүүд уулын ажилд гарснаар хөдөлмөрийн бүтээмж нэмэгдэх юм.
Ил уурхайн дарга Д.Нямдорж: "Өнөөдөр анх удаа дизель экскаваторыг ашиглалтад хүлээн авч байна. Манай бусад экскаваторууд цахилгаан хөдөлгүүртэй. Цахилгааны шугам, холболтын нэлээн олон ажил хийгддэг. Зарим хэсэгт бага оврын экскаватор хэрэгцээтэй байсан. Ил уурхайн 9б овоолгод ойролцоогоор 6 сая орчим метр куб хүдэр байна. Энэ онд нэг сая 300 мянган тонныг Баяжуулах үйлдвэрт нийлүүлэхээр төлөвлөсөн. Энэ ажлыг шинэ экскаватораар гүйцэтгэнэ. Баяжуулах үйлдвэрт шаардлагатай хүдрийг, хүдрийн агуулгатай нийцүүлэх зорилгоор дундын овоолгыг ашиглаж байгаа. Шинэ экскаватор цаг хугацаандаа нийлүүлэгдлээ. Цаашид үйлдвэрийнхээ шаардлагатай хүдрийн дундажлалыг барих, дундын овоолгыг бий болгох бүтээн байгуулалтын ажилд энэ экскаватораа ашиглана. Мөн парк шинэчлэлийн хүрээнд дугуйт ачигч нийлүүлэгдсэн. Энэ техникээр өдөр тутмын зам засварын ажлаа хийгээд явна" гэв.
“Transwest Mongolia” компанийн Худалдаа, маркетинг хариуцсан захирал Д.Болдсүх: “Манай компани Эрдэнэт үйлдвэрт нэг экскаватор, хоёр дугуйт ачигчийг нийлүүллээ. Дизель экскаваторыг анх удаа нийлүүлж байна. Энэ техникүүд сүүлийн үеийн дэвшилтэт техник, технологийг өөртөө агуулсан. Операторын орчин нөхцөлийг сайжруулсан, техникийн аюулгүй ажиллагаа сайтай, хөдөлмөрийн бүтээмж өндөр, "Камацу" үйлдвэрийн 2024 онд үйлдвэрлэсэн экскаватор юм. Бид заавар зөвлөгөө өгч, дагалдах сэлбэг хэрэгслийг хүлээлгэн өгсөндөө баяртай байна. Эрдэнэт үйлдвэр "Камацу"-гийн техникийг олон жил ашиглаж байгаа. Ил уурхайд автосамосвал, бульдозер, авто ачигч гэх мэт олон техникүүд нийлүүлсэн. Эдгээр техникүүд Япон улсад үйлдвэрлэгдсэн, чадварлаг инженерүүдийн гараар бүтсэн, хиймэл дагуулын хяналтын системтэй. Мөн автомат тосолгооны системтэй, эвдрэлийн бүх алдаа кодуудыг төвийн серверт болон өөрийн дэлгэц дээрээ мэдээлдэг. Ингэснээр том эвдрэл гэмтэл гарахаас урьдчилан сэргийлдэг давуу талтай. Бид операторын сургалт явуулсан. Одоо механик инженер, засварын сургалт явуулахаар төлөвлөөд байна. Энэ техникүүд нэг жилийн баталгаат хугацаатай ирдэг. Баталгаат хугацааны завсар гарсан техникийн эвдрэл, гэмтлийг манай компани хариуцан ажилладаг” гэж ярилаа.
Нар минутад мандаж минутад жаргана.
Үс засуулвал: 
Суудал: 
