Монголын Үндэсний Худалдаа Аж Үйлдвэрийн Танхимын 65 жилийн ойн "Алтан бэрс" цомын төлөөх корпорацуудын шатрын аварга шалгаруулах анхдугаар тэмцээнийг “ТОП-100” ААН-ийн дунд зохион байгууллаа. Гурван өдрийн турш үргэлжилсэн тус тэмцээнд нийт 24 баг, тамирчид оролцож, Швейцар системээр 9 өрөг тоглож, оюун ухаан, авхаалж самбаагаа сорин өрсөлдөв.
Тус тэмцээнд “Эрдэнэт үйлдвэр” ТӨҮГ-ын баг, тамирчид амжилттай оролцож хүрэл медаль, өргөмжлөл, мөнгөн шагнал хүртлээ. Мөн Баяжуулах үйлдвэрийн ажилтан, спортын мастер Б.Оюунболд шилдэг тоглогчоор шалгарсан бол Монголын шатрын холбооны Ерөнхий нарийн бичгийн даргын тушаалаар спортын мастер Г.Отгонпүрэвт Монгол Улсын шүүгч цол олгов.
Түүнчлэн, "Шунхлай" ХХК-ийн тамирчин, Их мастер Баярсайханы Гүндаваатай, “Эрдэнэт үйлдвэр” ТӨҮГ-ын Санхүү, нягтлан бодох бүртгэлийн хэлтсийн Автоматжуулалт хариуцсан тэргүүлэх мэргэжилтэн, спортын мастер Ганхүүгийн Отгонпүрэв тэнцэж, "Алтан бэрс” цомын анхдугаар тэмцээний нэгэн том дуулианы “эзэн” болсон юм. Уг тэмцээнийг Монголын Үндэсний Худалдаа Аж Үйлдвэрийн Танхимаас Монголын шатрын холбоотой хамтран ийнхүү амжилттай зохион байгууллаа.
Нар минутад мандаж минутад жаргана.
Үс засуулвал: 
Суудал: 
