Эрдэнэт үйлдвэрийн Ерөнхий захирлын А/86 тоот тушаалын дагуу "Стандартын дотоод аудитын хөтөлбөр" хэрэгжиж эхэллээ. Тус хөтөлбөрийг Дотоод хяналт, мониторингийн хэлтэс удирдан зохион байгуулж, олон улсын менежментийн тогтолцооны стандартуудын хэрэгжилтийг ханган ажиллах юм. Мөн Аудитын хөтөлбөрийн хүрээнд удирдамж, хуваарийн дагуу 46 бүтцийн нэгжийг хамруулан, давхардсан тоогоор 311 аудитор, Олон Улсын менежментийн тогтолцооны стандартуудын хэрэгжилтэд дотоод аудит хийх аж.
Энэ оны гуравдугаар сард менежментийн тогтолцооны стандартуудын нэгдсэн аудитыг эхлүүлж Соёл, урлагийн цогцолбор, Геологи, хайгуулын экспедици, Авто тээврийн цех, Дулааны цахилгаан станц зэрэг бүтцийн нэгжүүд хамрагдлаа. Одоогоор үйлдвэрийн газарт “ISO9001 -Чанарын менежментийн тогтолцоо”, “ISO45001-Хөдөлмөрийн эрүүл мэнд, аюулгүй байдлын менежментийн тогтолцоо”, “ISO30400-Хүний нөөцийн менежментийн тогтолцоо”-ны багц стандартын Баталгаажуулалтын гэрчилгээ авсан байна. Мөн ISO 50001 - Эрчим хүчний менежментийн тогтолцоо”, “ISO14001-Байгаль орчны менежментийн тогтолцоо” зэрэг стандартууд төсөл хэлбэрээр хэрэгжиж байгаа юм. Эдгээр стандартад дотоод аудит хийх үйл ажиллагааг Хүний нөөц, захиргааны хэлтэс, Хөдөлмөрийн аюулгүй байдал, эрүүл ахуйн хэлтэс, Чанарын хяналтын хэлтэс, Эрчим хүчний хэлтэс, Байгаль орчин, ногоон хөгжлийн хэлтэс хамтран зохион байгуулж байна.
“Энэхүү аудитын зорилго нь менежментийн тогтолцооны стандартуудын хэрэгжилт, үр дүнг бодит мэдээлэлд үндэслэн үнэлэх, төлөвлөгөөнд тусгасан ажлуудын биелэлтийг хянах, хэрэгжилтийг сайжруулах арга зүйн зөвлөмжөөр хангах, улмаар стандартуудыг үр дүнтэй хэрэгжүүлэх явдал юм. Мөн бүтцийн нэгжүүдийн үйл ажиллагаанд дотоод аудитыг төлөвлөж зохион байгуулах нь Олон Улсын стандартын шаардлагад нийцэхээс гадна үр ашгийг нэмэгдүүлэх, эрсдэлийг бууруулах ач холбогдолтой юм” гэж Дотоод хяналт, мониторингийн хэлтсийн дарга Б.Энхжин ярилаа.
Нар минутад мандаж минутад жаргана.
Үс засуулвал: 
Суудал: 
