Монгол Улсын Засгийн газар 2020 онд жил бүрийн гуравдугаар сарын 26-ны өдрийг Аж үйлдвэрийн ажилтны баяр болгон тэмдэглэн өнгөрүүлэх тухай тогтоол гаргасан. Мэргэжлийн энэхүү баярын өдрийг Засвар, угсралтын цехийн хамт олон цогц үйл ажиллагаа зохион байгуулж өргөн дэлгэр тэмдэглэлээ. Үүний нэг нь Аж үйлдвэрийн ажилтны баярт зориулсан Засвар, угсралтын ажилтнуудын ажил мэргэжлийн уралдаан юм. Энэхүү уралдаанд найман багийн 100 гаруй ажилтан оролцож, онолын мэдлэг, эд ангийг бэлдэж угсрах иж бүрэн даалгавар гүйцэтгэж өрсөлдсөн байна. Хоёр үе шаттай явагдсан уг тэмцээнд В.Болдбаатар ахлагчтай баг мэргэжлийн ур чадвараараа шалгарч тэргүүн байр эзлэн, зэргээ ахиулах болзол хангалаа. Харин дэд байрт Б.Базаррагчаа ахлагчтай баг, гуравдугаар байрт А.Алтаншагай ахлагчтай баг шалгарч, шагналаа гардав. Засвар, угсралтын цехийн Засварын хэсгийн дарга Л.Батсайхан ажил мэргэжлийн уралдаанд хамтран ажилласан Механикийн хэлтэс, “Эрдэнэт цогцолбор” дээд сургуулийн хамт олонд талархал илэрхийлсэн юм.
Шагнал гардуулах ёслолын үеэр мастер М.Мөнх-Эрдэнэ, Г.Амгалан, тоног төхөөрөмжийн засварчин Ч.Энхбат нар Орхон аймгийн “Засаг даргын жуух бичиг”-ээр шагнагдсан бол ажилтан К.Батмандал, Б.Батдархан нар ҮЭХ-ны “Уурхайчны алдар” тэмдгээр, Эрдэнэт үйлдвэрийн Залуучуудын холбооны шагнал “Уурхайчин залуу” медалиар цахилгаан ба хийн гагнуурчин Г.Ганзам, ХАБЭА-н инженер К.Нурбахыт нар энгэрээ мялаав. Мөн цехийн даргын тушаалаар ажил мэргэжилдээ онцгой амжилт гарган хамт олноо манлайлсан 30 ажилтныг урамшуулан шагнасныг сонордууллаа.
Түүнээс гадна, Аж үйлдвэрийн ажилтны баярын өдрөөр “OPEN MIC”, дартсын “ДАШ Мэргэн” тэмцээн амжилттай явагдаж, тус хэсгийн мастерын гэргий, лектор Ph.D Н.Алтанцоож “Хамт олны үнэ цэн” сэдвээр лекц сургалт зохион байгуулсан байна.
Нар минутад мандаж минутад жаргана.
Үс засуулвал: 
Суудал: 
