“Эрдэнэт үйлдвэр” ТӨҮГ-ын Хэвлэл мэдээлэл, олон нийттэй харилцах алба, “Эрдэнэт” телевиз Олон Улсын эмэгтэйчүүдийн эрхийг хамгаалах өдрийг тохиолдуулан “Ижийдээ захидал бичээрэй” уралдааныг 13 дахь жилдээ зохион байгуулж, өнөөдөр шилдэг захидлын эздэд шагнал гардууллаа. Хүй орчлонгийн эх ундарга болсон ижий нарыг магтан дуулж, сэтгэлийн үгсээ захидлаар дамжуулан илгээх боломж олгодог энэхүү уралдааныг энэ жил үйлдвэрийн газрын Эмэгтэйчүүдийн холбоотой хамтран Эрдэнэт үйлдвэрийн ажилтнуудын дунд зохион байгуулсан бөгөөд сар шинийн баяр давхацсантай холбоотойгоор цөөн боловч чанартай захидал ирснийг шагнал гардуулах ёслолын үеэр зохион байгуулагчид онцолсон юм. Энэ жилийн “Ижийдээ захидал бичээрэй” уралдаанд 30 гаруй захидал ирснээс Засвар, механикийн заводын токарьчин Д.Эрдэнэбилэгийн ижийдээ бичсэн захидал тэргүүн байрт шалгарав. Харин дэд байрт Баяжуулах үйлдвэрийн Урвалжийн хэсгийн ажилтан Б.Өлзийдаваа, гутгаар байрт Зураг төслийн хүрээлэнгийн ажилтан Б.Алтанчимэг нарын захидал шалгарлаа. Шилдэг захидлуудыг эзэд нь өөрийн дуу хоолойгоор уншиж, ээж нартаа хүргэсэн “шинэ өнгө” байв.
Энэхүү үйл ажиллагаанд Эмэгтэйчүүдийн холбооны Тэргүүн Х.Оюунтунгалаг, Тэргүүлэгч, Баяжуулах үйлдвэрийн Хүний нөөцийн товчооны дарга Т.Тунгалагтамир нараас гадна яруу найрагч Н.Болормаа урилгаар оролцож, уран бүтээлээ сонордуулж, сэтгэлийн бэлэг барьсан юм.
Нар минутад мандаж минутад жаргана.
Үс засуулвал: 
Суудал: 
