Бөөр хамгаалах дэлхийн өдрийг тохиолдуулан “Эрдэнэт медикал” эмнэлэг эмч нарын хамтын ажиллагаа, уялдаа холбоог сайжруулах зорилгоор Орхон аймгийн анхан шатны эмнэлгийн буюу өрхийн эмч нар болон шинэ залуу эмч нарт, бөөр оношлох анхны шинжилгээ болох шээсний дэлгэрэнгүй шинжилгээг зөв танин дүгнэх сургалтыг өнөөдөр зохион байгууллаа. Тус сургалтад 2, 3-р шатлалын эмнэлгийн 30 гаруй эмч нар хамрагдав.
2009 оноос Монгол Улс энэхүү өдрийг тэмдэглэж ирсэн бөгөөд энэ жил “Таны бөөр эрүүл үү? Эрт оношилгоондоо хамрагдаж, бөөрний эрүүл мэндээ хамгаалъя” уриан дор тэмдэглэж байна. Энэ хүрээнд “Эрдэнэт медикал” эмнэлэг хэвтэн болон өдрийн эмчилгээнд хамрагдаж буй иргэдэд бөөрөө хамгаалах талаар эрүүл мэндийн боловсрол олгох сургалт явуулж, бөөрний архаг өвчинтэй бүтгэгдсэн, Эрдэнэт үйлдвэрийн ажилтан 20-иод өвчтөнийг эрүүл мэндийн даатгалаар үзлэгт хамруулан эмчилгээ, зөвлөгөө өгч ажиллаж байна гэж тус эмнэлгийн бөөрний их эмч Б.Алимаа ярилаа.
Дэлхий дээр 700 сая гаруй бөөрний архаг өвчинтэй хүн байна. Халдварт бус нас баралтын өвчний эмгэгийн 16-д бөөрний өвчлөл жагсдаг байсан бол өнгөрсөн оны үзүүлэлтээр долоод болж урагшилсан нь анхаарал татаж байна.
Нар минутад мандаж минутад жаргана.
Үс засуулвал: 
Суудал: 
