Эрдэнэт үйлдвэрийн Аж ахуй, үйлчилгээний цехийн хамт олон, билгийн тооллын 17 дугаар жарны “Элдэв Эрдэнэт” хэмээх модон могой жилийн сар шинийн баяр, Цагаан сарын золголтоо зохион байгууллаа. Улиран одсон луу жилээ ажил хөдөлмөрийн өндөр амжилтаар үдсэн тус цехийнхэн ирж буй могой жилд амжилт ололтоо бататгаж, үйлчилгээний чанарыг мэргэжлийн өндөр түвшинд ахиулах зорилт дэвшүүлж байна. Золголтын эхэнд хүн бүхний ажил үйлс бүтэмжтэй, эрүүл энх, сайн сайхан байхыг билгэдэн ном хуруулж, цехийн дарга Б.Туяа нийт хамт олондоо амжилт ерөөж, мэндчилгээ дэвшүүлэв.
Энэ үеэр Олон улсын эмэгтэйчүүдийн баярыг тохиолдуулан цехийн шилдэг, тэргүүний эмэгтэйчүүдээ тодруулан шагнал гардууллаа. Аж ахуй, үйлчилгээний цехийн “Бахархам шилдэг эмэгтэй”-ээр ХЭМАБ-н инженер Б.Нэргүй, “Хүмүүнлэгийн үйлстэн шилдэг эмэгтэй”-ээр Үйлчилгээний тэргүүлэх мэргэжилтэн Д.Амаржаргал, “Соёлын элч шилдэг эмэгтэй”-ээр Үйлчилгээний ажилтан Д.Байгалмаа, “Шинийг санаачлагч шилдэг эмэгтэй”-ээр Үйлчилгээний ажилтан Н.Ариунбуян, “Ногоон хөгжлийг дэмжигч шилдэг эмэгтэй”-ээр Ч.Уранчимэг нар тодорч, шилдгийн шагналаа гардаж авав.
Мөн өндөр насны тэтгэвэртээ гарч буй тус цехийн Техникийн хэсгийн цахилгаан тоног төхөөрөмжийн засварчин Х.Цогтгэрэлд хүндэтгэл үзүүлж, хэсэг бүр дурсгалын зүйл гардуулан амжилт хүслээ.
Нар минутад мандаж минутад жаргана.
Үс засуулвал: 
Суудал: 
