Монгол Улсын аж үйлдвэрийг хөгжүүлэх стратегийн хүрээнд том зураглалтай дэвжиж буй Эрдэнэт үйлдвэрийн Засвар, механикийн завод XVII жарны Хөхөгчин модон могой жилийн сар шинийн баярыг тохиолдуулан үйлдвэрлэлийн төлөвлөгөөт зорилтыг биелүүлэхэд идэвх санаачилга гарган, хамт олноо манлайлан, өндөр үр бүтээлтэй ажилласан ган төмрийн дархчуулаа “Хөдөлмөрийн аварга”-аар өнөөдөр өргөмжлөн алдаршууллаа.
Луу жилийн “Хөдөлмөрийн аварга”-аар Диспетчер-мастер Я.Адъяасүрэн, Аккумуляторчин С.Отгонжаргал, Тойруулан зорох суурь машины операторч Б.Буджав, Хийн дөлөн боловсруулалтын багаж хэрэгслийн засварчин Б.Батсүх, Цахилгаан нуман зуухны ган хайлуулагч Н.Буянзаяа Э.Баасан, Токарьчин Э.Эрхэмбаяр, Хэсгийн дарга Ж.Батбаатар, Хэвний хэсгийн мастер Б.Үнэнбат, Гүүрэн кранчин А.Анхзаяа, Тросс сүлжигч Д.Отгонжаргал, Цахилгаан хийн гагнуурчин Д.Лхагвасүрэн нар тодорч, хамт олныхоо хүндэтгэлийг хүлээлээ.
Үйлдвэрлэлийн цехүүдийн технологийн үндсэн тоног төхөөрөмжийн шаардлагатай эд анги, сэлбэг хэрэгсэл, резинэн эдлэл, металл хийц болон стандартын бус тоног төхөөрөмжүүдийг үйлдвэрлэх болон эд ангийг сэргээн засварлах үүрэг хүлээдэг Засвар, механикийн заводын хамт олон 2024 онд нийт 131 тэрбум төгрөгийн импорт орлох бүтээгдэхүүн үйлдвэрлэж, 5.3 тэрбум төгрөгийн хэмнэлт гарган ажилласан байна. Тухайлбал, цутгамал 4487 бүтээгдэхүүн, механик боловсруулалттай 2686 эд анги, металл хийц ба стандартын бус 713 тоног төхөөрөмж, 167 резинэн эдлэл тус тус үйлдвэрлэжээ.
Нар минутад мандаж минутад жаргана.
Үс засуулвал: 
Суудал: 
