Үйлдвэрлэлийн цехүүдийн технологийн үндсэн тоног төхөөрөмжүүдийг угсарч, суурилуулан зүгшрүүлдэг, засвар үйлчилгээ хийж, тасралтгүй найдвартай ажиллагааг хангадаг Засвар, угсралтын цехийнхнийг “Алтан гартнууд” хэмээн өргөмжилдөг. Энэ хамт олон XYII жарны Модон луу жилд ажил үйлс, амжилт бүтээлээрээ журмын нөхдөө манлайлан ажиллаж, үйлдвэрлэлийн төлөвлөгөөт зорилтыг ханган биелүүлэхэд үнэтэй хувь нэмэр оруулсан шилдэг ажилтнуудаа “Хөдөлмөрийн аварга”-аар тодруулан алдаршууллаа.
Шагнал гардуулах ёслолын үеэр тус цехийн дарга, Монгол Улсын зөвлөх инженер Х.Баяраа “Засвар угсралтын цехийн “Алтан гартнууд” маань өнгөрөгч онд үйлдвэрлэлийн төлөвлөгөөт даалгавраа амжилттай биелүүлж, техник, технологийн томоохон шинэчлэлийн ажлуудыг цаг хугацаанд нь чанарын өндөр үзүүлэлттэйгээр хийж гүйцэтгэсэн”-ийг онцлон тэмдэглээд, Хөдөлмөрийн аваргууддаа баяр хүргэж, хамт олондоо ажлын улам их амжилт хүсэн ерөөв.
Засвар, угсралтын цехийн Модон луу жилийн “Хөдөлмөрийн аварга”-аар ХАБЭА-н инженер К.Нурбахыт, Засвар, угсралтын хэсгийн тоног төхөөрөмжийн засварчин Ч.Сүхбаатар, цахилгаан ба хийн гагнуурчин Б.Зундуйжамц, Угсралт тохируулгын хэсгийн цахилгаан тоног төхөөрөмжийн угсрагч-засварчин Б.Баасансүрэн нар шалгарч, шагналаа гардлаа. Мөн шинээр ажилд орсон таван залуу ажилтанд амжилт хүсэж, шинэ ажилтны гарын бэлэг гардуулсан юм.
“Алтан гартнууд” үйлдвэрийн бүтцийн нэгжүүдэд 16.2 тэрбум төгрөгийн засвар, үйлчилгээ хийж, үйлдвэрлэлийн төлөвлөгөөг 101 хувиар биелүүлж, бүтцийн 21 нэгжид 240,436 хүн/цаг ажиллан, үйлдвэрлэлийн бүтээн байгуулалт, өргөтгөл, шинэчлэл, угсралт тохируулгын ажил хийсний 49 хувь нь урсгал засвар, 28 хувь нь тоног төхөөрөмжийн шинэчлэл байлаа.
Нар минутад мандаж минутад жаргана.
Үс засуулвал: 
Суудал: 
