Илч дулаан, гэрэл гэгээг бүтээгч Эрдэнэт үйлдвэрийн Дулааны цахилгаан станцын хамт олон “Хилэнт эх” хэмээх Модон луу жилийн “Хөдөлмөрийн аварга”-уудаа тодруулж, алдаршууллаа. Шагнал гардуулах үйл ажиллагааны эхэнд тус станцын дарга, Монгол Улсын Зөвлөх инженер Г.Мөнх-Эрдэнэ Хөдөлмөрийн аваргууддаа баяр хүргэж, “Манай хамт олон өнгөрсөн оныг амжилт бүтээл, цог хийморь, эрдэм мэдлэг дүүрэн өнгөрүүллээ. Энэ амжилтын эздээс маань хийсэн бүтээснээ үнэлүүлж байна. Бидний хийсэн хамтын хөдөлмөр бүхний цаана ажилтан нэг бүрийн хөлс дуслаастай байдаг. Та бүхэндээ “Элдэв эрдэнэт” хэмээх Модон могой жилдээ элгээрээ энх амгалан, төрлөөрөө төвшин амгалан байж, сар шинэдээ сайхан шинэлээрэй” хэмээн ерөөсөн.
Улиран одож буй луу жилийн ажил үйлс, идэвх санаачилгаараа хамт олноо манлайлсан, тус станцын Турбины хэсгийн тоног төхөөрөмжийн засварчин М.Мөнхсайхан, Агуулахын эрхлэгч Т.Цэцэгжаргал, Үйлдвэр техникийн товчооны ээлжийн дарга Д.Батжаргал, Зуухны машинч С.Галхүү, Түлш дамжуулах хэсгийн нүүрс буулгагч Д.Цэрэндорж, Засвар механикийн хэсгийн зуухны тоног төхөөрөмжийн засварчин Б.Оргилсайхан, Турбины хэсгийн ашиглалтын мастер Б.Пүрэвсайхан, Цахилгаан техникийн хэсгийн цахилгааны монтёр Б.Ганболд, Дулааны шугам сүлжээний хэсгийн дулааны төв пунктийн машинч Б.Амарсайхан, Хими, ус бэлтгэлийн уур усны ашиглалтын инженер А.Аадар нар “Хөдөлмөрийн аварга”-аар тодорч шагналаа гардаж авлаа.
Дулааны цахилгаан станцын хамт олон 2024 оны хүлээгдэж буй гүйцэтгэлээр 351.3 сая.кВт.ц цахилгаан эрчим хүч үйлдвэрлэж төлөвлөгөөгөө 100,85 хувиар, 299.4 сая.кВт.ц цахилгаан эрчим хүч түгээж, төлөвлөгөөгөө 101,11 хувиар биелүүлж буй амжилтаар луу жилээ үдэж байна. Тиймээс тус хамт олны өнгөрсөн жилийн ажлын гүйцэтгэлд үйлдвэрийн тайлангийн хурлаас 93.95 хувийн оноо өгч, өндөр үнэлсэн юм.
Нар минутад мандаж минутад жаргана.
Үс засуулвал: 
Суудал: 
