Авто тээврийн цехийн Хөдөлмөрийн аваргууд тодорлоо

Сар шинийн баярын босгон дээр Авто тээврийн цехийн луу жилийн хөдөлмөрийн аваргуудыг тодруулах ёслол Оюу танхимд өнөөдөр боллоо. Энэ үеэр цехийн дарга Я.Дамдиндорж хэлсэн үгэндээ:”2024 онд манай хамт олон 28.7 сая м3 уулын цул тээвэрлэж, 285.2 сая т/км ачаа эргэлтийн ажил хийсний зэрэгцээ тээврийн хэрэгслийн техникийн бэлэн байдал, парк ашиглалт, төрөл бүрийн тээврийн хэсгийн машин цагийн үйлчилгээ зэрэг олон үзүүлэлтийг 100-аас дээш хувиар давуулан биелүүллээ.

Тус цехийн үйл ажиллагааны зардлын төсвийг 62 тэрбум төгрөгөөр хэмнэж, 1 тн/км ачаа эргэлтийн өөрийн өртгийг 159 төгрөгөөр, төрөл бүрийн тээврийн үзүүлсэн 1 машин цагийн үйлчилгээний өөрийн өртгийг 38,866 төгрөгөөр тус тус бууруулж ажиллалаа” хэмээн онцлов.

Дараа нь үйлдвэрлэлийн төлөвлөгөөт зорилтуудыг ханган биелүүлэхэд идэвх санаачилга гарган үр бүтээлтэй ажилласан 15 ажилтныг Авто тээврийн байгууллагын Хөдөлмөрийн аваргаар өргөмжлөн алдаршуулав. Өнгөрсөн онд бусдыгаа манлайлан, эрхэлсэн ажилдаа амжилт гаргасан Хүнд машин механизмын хэсгийн автомашины жолооч С.Баярмагнай, Хөнгөн тэрэгний тээврийн хэсгийн жолооч Ч.Баттулга, Эрчим зүйн товчооны цахилгаан тоног төхөөрөмжийн засварчин Д.Ганбат, Тусгай зориулалтын машин механизмын засварын хэсгийн ахлах мастер Х.Давааням,Төрөл бүрийн маркийн автомашины засварын хэсгийн агуулахын эрхлэгч Х.Мөнхтуяа, Технологийн тээврийн автомашины засварын хэсгийн агрегат засварчин Б.Наранхүү, Ачаа тээвэр, шуурхай үйлчилгээний хэсгийн автобусны жолооч Ц.Өлзийбаяр,Төлөвлөлт шинжилгээний товчооны хөдөлмөрийн тэргүүлэх эдийн засагч Т.Сумъяасүрэн, Тусгай зориулалтын тээврийн хэсгийн тэсрэх бодис зөөдөг тусгай тоноглогдсон автомашины жолооч М.Энхтүвшин нарын 15 хүн Авто тээврийн цехийн луу жилийн хөдөлмөрийн аварга ажилтан боллоо.

Мөн Үйлдвэр техникийн товчоон дарга Н.Ганболд, Уулын технологийн тээврийн хэсгийн хүнд даацын автомашины жолооч М.Орхон, Технологийн тээврийн автомашины засварын хэсгийн засварчин Ц.Цогбадрал, Б.Бат-Эрдэнэ нар Аж үйлдвэр эрдэнэс баялгийн яамны шагнал “Тэргүүний уурхайчин” цол тэмдэгээр энгэрээ мялаав.