Олон улсын эмэгтэйчүүдийн эрхийг хамгаалах өдөр Март8-ны баярыг тохиолдуулан Монгол Улсын Баатар “Эрдэнэт үйлдвэр” ТӨҮГ-ын Эмэгтэйчүүдийн холбоо 2024 онд ажил үйлс, авьяас чадвараараа уурхайчин бүсгүйчүүдээ манлайлан ажиллаж, онцлох амжилт гаргасан Шилдэг есөн эмэгтэйг тодруулан алдаршуулах ёслолын үйл ажиллагааг өнөөдөр “Оюу” танхимд зохион байгууллаа. Уламжлал болсон энэхүү ёслолд Хамтын ажиллагаа, нийгмийн харилцааны бодлогын газрын Албаны дарга Д.Эрдэнэбат, Эмэгтэйчүүдийн холбооны Тэргүүлэгчид, Анхан шатны зөвлөлийн дарга нар, гишүүд, уурхайчин бүсгүйчүүдийн төлөөлөл оролцож, шилдгүүдэд баяр хүргэсэн юм.
Эрдэнэт үйлдвэрийн 2024 оны “Шилдэг эмэгтэй”-гээр Баяжуулах үйлдвэрийн Дулаан агааржуулалтын хэсгийн насосны машинч Д.Баяржаргал, Аж ахуй, үйлчилгээний цехийн үйлчилгээний Тэргүүлэх мэргэжилтэн Д.Амаржаргал, “Эрдэнэт цогцолбор” дээд сургуулийн Механикийн тэнхимийн багш, доктор Г.Оюунсүрэн, Спорт цогцолборын арга зүйч Ц.Ариунжаргал, Чанарын хяналтын хэлтсийн Химийн шинжилгээний чанар ба аргачлалын мэргэжилтэн О.Туяацэцэг, Судалгаа, шинжилгээний хүрээлэнгийн судлаач инженер Ж.Энхдэлхий, Хөрөнгө оруулалт, худалдан авах ажиллагааны бодлогын газрын Судалгаа, цахим системийн албаны дарга Л.Энхтүвшин, Тээвэр, ложистикийн төвийн Ачаа тээврийн хэсгийн эрхлэгч Б.Ичинхорлоо, Зураг төслийн хүрээлэнгийн инженер С.Санчирмаа нар тодорч, “Зэс сарнай” цомын эзэд болов.
Хүүхдээ зөв төлөвшүүлэх, өрх гэрээ өнгө гэрэлтэй байлгах эхнэр хүний эрхэм үүргээ нэр төртэй даахын зэрэгцээ улс орныхоо хөгжил цэцэглэлтийн төлөө эрчүүдтэй эн тэнцүү ачаа үүрэн баялаг бүтээн хөдөлмөрлөж яваа уурхайчин бүсгүйчүүддээ Эмэгтэйчүүдийн холбооны Тэргүүлэгч гишүүд баярын мэнд дэвшүүлж, аз жаргал, амжилт бүтээлийн дээдийг хүсэн ерөөснийг уламжилъя.
Нар минутад мандаж минутад жаргана.
Үс засуулвал: 
Суудал: 
