Эрдэнэт үйлдвэрийн дэргэдэх Орос 19 дүгээр сургуулийн 20 сурагч ОХУ-ын Иванова хотын Олон улсын сургуульд хоёр сарын хугацаанд суралцахаар мордох гэж байгаатай холбогдуулан Хамтын ажиллагаа, нийгмийн харилцааны бодлогын газрын дарга Ц.Бат-Энх хүүхдүүдийг хүлээн авч уулзлаа.
Өнгөрсөн намар “Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны бодлогын газрын дарга Ц.Бат-Энх тэргүүтэй төлөөлөгчид ОХУ-д ажиллаж, Гэгээрлийн яам, Боловсролын олон улсын хамтын ажиллагааны төвтэй гэрээ байгуулсан юм. Энэ хамтын ажиллагааны хүрээнд сурагч солилцооны хөтөлбөрөөр сурлага, хүмүүжлээрээ шалгарсан 20 шилдэг сурагч ОХУ-д суралцахаар явах гэж байна.
Уулзалтын үеэр Хамтын ажиллагаа, нийгмийн харилцааны бодлогын газрын дарга Ц.Бат-Энх хүүхдүүдэд хандаж “Бидний хамтын ажиллагааны гэрээнд тусгагдсан хөтөлбөр бодит ажил хэрэг болж байгаад баяртай байна. Монгол, Оросын найрамдлын гол бэлгэ тэмдэг, бүтээн байгуулалт болсон Эрдэнэт үйлдвэр өнөөдөр 47 дахь жилдээ үйл ажиллагаа явуулж байна. Эрдэнэт үйлдвэрийн ах эгч нар нь хүүхдүүдээ ирээдүйн сайн мэргэжилтэн болгохын төлөө хичээж байна. Та бүхэн бас хичээгээрэй. Эрдэнэт үйлдвэрийн дараагийн үйл хэргийг залгамжлах, удирдан авч явах инженерүүд эндээс төрнө гэдэгт найдаж байна” хэмээн онцлоод сурагч солилцооны хөтөлбөрийн түүчээ болсон анхны 20 сурагчдадаа сурлагын өндөр амжилт хүсэн ерөөв.
Орос 19 сургуулийн 700 гаруй хүүхдээс шалгарсан 20 сурагч ОХУ-ын Иванова хотын Олон улсын сургуульд олон орны хүүхдүүдтэй хамт суралцаж, хэл, соёлтой нь танилцахын зэрэгцээ алдарт “Алтан цагираг”-аар тойрох аялалын хөтөлбөрт хамрагдах юм. Хүүхдүүдийн тэнд байх хугацааны бүх зардлыг ОХУ-ын Гэгээрлийн яам хариуцаж байна.
Нар минутад мандаж минутад жаргана.
Үс засуулвал: 
Суудал: 
