УИХ-ын гишүүн Д.Үүрийнтуяагийн санаачилгаар зохион байгуулагдсан “Хойд бүсэд үйлдвэрлэв-2025” үзэсгэлэн худалдаа гурван өдөр амжилттай үргэлжилж, өнөөдөр хаалтын үйл ажиллагааны үеэр “Шилдэг бүтээгдэхүүн” үйлдвэрлэгчдийг тодруулан шагналаа.
“Хойд бүсэд үйлдвэрлэв-2025” үзэсгэлэн худалдааны “Шилдэг бүтээгдэхүүн”-ээр Булган аймгийн оролцогч М.Ганчимэгийн цагаан идээ, Сарангийн “Дүүрэн боргоцой” бренд, Ц.Мягмарсүрэнгийн гурилан бүтээгдэхүүн, Орхон аймгийн оролцогч Бумдарийн ширэн эдлэл, Тунгалагийн дээл урлал, Эрдэнэтуяагийн “Зэсүй” бренд, хоймор нутгийн оролцогч Өнөболдын модон эдлэл, Энхзулын “Шинэ амттан” бренд, Д.Ган дээл урлал шилдэг брендээр шалгарсан юм.
Хойд бүс болох Хөвсгөл, Булган Орхон аймгийн жижиг дунд бизнес эрхлэгчид, үйлдвэрлэгчдийн бүтээгдэхүүний үзэсгэлэн худалдааны хаалтын үйл ажиллагаанд УИХ-ын гишүүн, Ёслолын дэгийн байнгын хорооны дарга Б.Баярбаатар, Д.Үүрийнтуяа, С.Эрдэнэбат, Орхон аймгийн ИТХ-ын дарга Д.Мөнхбат, Засаг дарга Б.Зоригтхүү болон Эрдэнэтийн иргэд оролцов.
Энэ үеэр УИХ-ын гишүүн Д.Үүрийнтуяа “Үйлдвэрлэгчдийн үзэсгэлэн худалдааг бүсчилсэн хэлбэрээр анх удаа зохион байгууллаа. Нэрийн бүтээгдэхүүнээ тээвэрлээд холоос зорьж ирсэн үйлдвэрлэгчдэдээ чин сэтгэлийн талархал илэрхийлье. Үзэсгэлэн худалдаанд оролцогчдын 70 орчим хувь нь өдрийн борлуулалт дунджаар хоёр сая төгрөг гэж судалгаа бөглөсөн байна. Цаашид үзэсгэлэнд оролцогчдыг нэг флатформ нэгтгэн, орлогоо хэрхэн үр дүнтэй зарцуулах, банк, санхүүгийн байгууллагаас зээл авахдаа юуг анхаарах, төсөл хэрхэн бичих зэрэг сэдвээр сургалт явуулж, оюуны хөрөнгө оруулалт хийнэ” хэмээн онцлов. Тэрээр банкны зээлийн хүүгийн дарамт, хүрэлцээ, чирэгдэл зэрэг жижиг дунд бизнес эрхлэгч, үйлдвэрлэгчдэд тулгамдаж буй асуудлуудыг хууль эрх зүйн талаас нь гаргалгаа гаргаж, анхаарахаа илэрхийлсэн. Мөн Аж үйлдвэржилтийн байнгын хороонд танилцуулж, өрхийн үйлдвэрлэл эрхлэгчдийн дуу хоолойг хүргэхээ амлав.
Нар минутад мандаж минутад жаргана.
Үс засуулвал: 
Суудал: 
