Билгийн тооллын 17-р жарны “Элдэв эрдэнэт” хэмээх модон могой жилийн сар шинийн баярыг тохиолдуулан “Эрдэнэт үйлдвэр” ТӨҮГ-ын Ерөнхий захиргааны харьяа газар, хэлтсээс өндөр насны тэтгэвэртээ гарсан ахмадуудаа хүлээн авч, хүндэтгэл үзүүлэв. Энэхүү хүндэтгэлийн үйл ажиллагааг үйлдвэрийн Санхүү, нягтлан бодох бүртгэлийн болон Төлөвлөлт, эдийн засгийн шинжилгээний хэлтсүүд зохион байгуулсан бөгөөд харьяа газар хэлтсийн 62 ахмад хүрэлцэн ирж, оролцлоо.
Хүндэтгэлийн ажиллагааг Хамтын ажиллагаа, нийгмийн харилцааны хэлтсийн дарга Д.Өнөбат нээж, Эрдэнэт үйлдвэр нийгмийн хариуцлагаараа жишиг загвар бүтээхэд ахмадууд та бүхний нөр их зүтгэл, эрдэм мэдлэг, сэтгэл онцгой хувь нэмэр оруулсан гэж тэмдэглэхийн зэрэгцээ “Ерөнхий захиргааны” хэмээн овоглогддог нийт ахмадууддаа сар шинийн мэнд дэвшүүлэв. Мөн Санхүү, нягтлан бодох бүртгэлийн хэлтсийн дарга Т.Очирхүү мэндчилгээ дэвшүүлэн, “Дэлхий нийтийг хамарсан ковид цар тахлын улмаас завсардаад байсан үйл ажиллагаагаа сэргээн үргэлжлүүлж, арвин их дадлага туршлагаас нь суралцаж, мөр зэрэгцэн ажиллаж байсан ахмадуудтайгаа уулзан учирч буйдаа сэтгэл өндөр байна” гэсэн юм. Түүнчлэн энэ үеэр сар шинийн босгон дээр уулзаж, дурсамж түүх хуучлах ахмадуудын төлөөлөл сэтгэгдлээ хуваалцаж, Соёл урлагийн цогцолборын уран бүтээлчид ая эгшиг, дуу хуурын дээжээсээ толилууллаа.
Эрдэнэт үйлдвэрийн Ерөнхий захиргааны харьяанд Хамтын ажиллагаа, нийгмийн харилцааны хэлтэс, Санхүү, нягтлан бодох бүртгэлийн хэлтэс, Төлөвлөлт, эдийн засгийн шинжилгээний хэлтэс, Хөдөлмөрийн аюулгүй байдал, эрүүл ахуйн хэлтэс, Бараа материал худалдан авах хэлтэс, Геологи маркшейдерийн хэлтэс, Хүний нөөц, захиргааны хэлтэс, Хуулийн хэлтэс зэрэг зэрэг 10 гаруй хэлтэс хамаардаг. Хүндэтгэлийн арга хэмжээнд дээрх бүх хэлтсийн төлөөлөл ахмадууд хүрэлцэн ирснийг зохион байгуулагчид ярилаа.
Нар минутад мандаж минутад жаргана.
Үс засуулвал: 
Суудал: 
