Дулааны цахилгаан станц өнгөрсөн онд эрчим хүчний үйлдвэрлэлийг хэвийн, найдвартай гүйцэтгэж, Эрдэнэт үйлдвэрийн бүтцийн нэгжүүд болон гаднын хэрэглэгч байгууллагуудыг дулаанаар хангах, Эрчим хүчний системд цахилгаан эрчим хүч нийлүүлэх үүргээ амжилттай биелүүлжээ.
2024 онд 351,3 сая.кВт.ц цахилгаан эрчим хүч (ЦЭХ) үйлдвэрлэж, 299,4 сая.кВт.ц-ыг түгээн, төлөвлөгөөг 101 хувиар биелүүлсэн байна. Төвийн бүсийн эрчим хүчний системд буюу “Нэг худалдан авагч”-д 283,1 сая.кВт.ц цахилгаан эрчим хүч түгээсэн буюу 102.5 %-ийн биелэлттэй, мөн станцын шинээс буюу ЦЭХ-ний өөрийн өртгөөр үйлдвэрийн дөрвөн цех нэгжид 12.2 сая.кВт.ц-ыг түгээсэн аж. Станцын дотоод хэрэгцээнд 51.9 сая.кВт.ц-ыг зарцуулсан нь нийт боловсруулалтын 14,8 хувийг эзэлж, Эрчим хүчний зохицуулах хорооны баталж тогтоосон 15 хувиас бага буюу хэмнэлт гаргажээ.
Мөн үйлдвэрийн бүтцийн нэгжүүдэд 380,1 мян.Гкал дулааны эрчим хүч түгээж 27.7 тэрбум төгрөгийн, 12,1сая.кВт.ц цахилгаан эрчим хүч түгээж 2.6 тэрбум төгрөг, түрээсийн 4.0 сая төгрөгийн, дулааны сүлжээний шугам хоолойн угаалга, үйлчилгээний 123.2 сая төгрөгийн орлого олж, нийт 30.4 тэрбум төгрөгийн ажил үйлчилгээ үзүүлсэн байна.
Тус станц нь нийт 81.8 тэрбум төгрөгийн орлоготой ажиллаж, орлогын төлөвлөгөөг 11,4 хувиар давуулан биелүүллээ, гэж цехийн дарга Г.Мөнх-Эрдэнэ мэдээлэв. Тайлангийн хурлаас Дулааны цахилгаан станцын 2024 оны үйлдвэрлэл, эдийн засаг, аж ахуйн үйл ажиллагааны ажлын гүйцэтгэлд 93,95 хувийн үнэлгээ өглөө.
Нар минутад мандаж минутад жаргана.
Үс засуулвал: 
Суудал: 
