Эрдэнэтийн-Овоо ордын зэс, молибдены хүдрийг боловсруулж, дэлхийн стандартад нийцсэн зэсийн болон молибдены баяжмал үйлдвэрлэх гол зорилготой ажилладаг баяжуулагчид 2024 оны үйлдвэрлэл, эдийн засаг, аж ахуйн үйл ажиллагааны тайлангаа өнөөдөр танилцууллаа. Тус хамт олон үйлдвэрлэл, техник технологийн шинэчлэлт, бүтээн байгуулалтын ажлын амжилтаараа онцгой ялгарч байсан юм.
Тайлант хугацаанд 46 жилийн түүхэнд хамгийн өндөр буюу 38.02 сая тонн хүдэр боловсруулсан нь төлөвлөгөөнөөс 20 мянган тонноор илүү байна. Харин молибдены металл авалтыг 48.00 хувиар төлөвлөж, гүйцэтгэлээр 50.51 хувь, зэсийн металл авалтыг 86.80 хувиар төлөвлөж, 87.74 хувийн гүйцэтгэлд хүргэн ажиллажээ. Өөрөөр хэлбэл, төлөвлөгөөнөөс илүү 2,177.96 тонн зэсийг зэсийн баяжмалд, 221.946 тонн молибденыг молибдены баяжмалд үйлдвэрлэсэн байна.
Баяжуулах үйлдвэр 2024 онд 393.5 тэрбум төгрөгийн хөрөнгө оруулалтын ажил хийхээр төлөвлөсөн бөгөөд гүйцэтгэлээр 286.7 тэрбум төгрөгийн бүтээн байгуулалт, хөрөнгө оруулалтын ажил хийжээ. Тухайлбал, Хүдэр бэлтгэлийн I шугамын шинэчлэл, Хаягдал өтгөрүүлэх технологи нэвтрүүлэх ажил амжилттай хэрэгжиж байгаа бол Өөрөө нунтаглах хэсгийн 4-р шугамыг хоёр сая тн/жилээр нэмэгдүүлж, Баяжуулах үйлдвэрийн хүдэр боловсруулах суурилагдсан хүчин чадлыг 40 сая тоннд хүргэсэн. Мөн хөвүүлэн баяжуулах 3-р секцийг бүрэн шинэчилж, байнгын ашиглалтад хүлээн авсныг тайлангийн хурлын комисс сайшаан, “хангалттай сайн” үнэллээ.
Нар минутад мандаж минутад жаргана.
Үс засуулвал: 
Суудал: 
