Тээвэр ложистикийн төв, "Эрдэнэт медикал" эмнэлэгтэй хамтран 2023 оноос “Зохистой жинд хүрцгээе” аяныг эхлүүлсэн. Тэгвэл өнөөдөр “Эрүүл мэндийн мэдлэгээ түгээж, хэрэгжүүлцгээе” уриан дор гурав дахь жилийнхээ аяны нээлтийг хийлээ. Түүнчлэн ажилчдын чөлөөт цагийг зөв боловсон өнгөрүүлэх,амьдралын хэв маягыг төлөвшүүлэх, эрүүл мэнддээ анхаарал хандуулахад нь туслах зорилгоор зохион байгуулсан явган аялалд дээрх хоёр байгууллагын 45 хүн оролцов. Мөн судалгаанд тулгуурлан зорилтод бүлгийн ажилчдад эрүүл мэндийн зөвлөгөө өглөө. "Эрдэнэт медикал" эмнэлгийн Урьдчилан сэргийлэх төвийн тасгийн эрхлэгч Б.Алимаа: “Урьдчилан сэргийлэх үзлэгээр ордог, үйлдвэрийн ажилчдын эрүүл амьдралын хэв маягыг хэвшүүлье. Биеийн жингийн индексийг бууруулъя. Хүн бүрт эрүүл мэндийн боловсрол олгоё. Судалгаанд үндэслэн хүмүүсийн эрүүл мэндэд нөлөөлөхүйц зүйл хийх санаачилгыг 2023 онд "Эрдэнэт медикал" эмнэлгээс гаргасан. Ингээд Тээвэр ложистикийн төвтэй хамтран хөтөлбөрт аяныг жил бүр явуулж, өмнөх жилүүдийн урьдчилан сэргийлэх үзлэгт хамрагдсан хүмүүст эрүүл мэнд зөвлөгөө өгч ажиллаж байна” гэв.
Нар минутад мандаж минутад жаргана.
Үс засуулвал: 
Суудал: 
