Жил бүрийн 2-р сарын 1-ний өдөр Монгол Улсын Хөдөлмөрийн баатар, Эрдэнэт үйлдвэрийн анхны Монгол Ерөнхий захирал Шагдарын Отгонбилэг агсны төрсөн өдөр үйлдвэрийн газрын удирдлагууд “Эрдэнэт цогцолбор” дээд сургуулийн өмнөх талбай дахь хөшөөнд нь цэцэг өргөж, хүндэтгэл үзүүлдэг уламжлалтай. Өнөөдрийн цэцэг өргөх ёслолд “Эрдэнэт үйлдвэр” ТӨҮГ-ын Ерөнхий захирал Г.Ёндон, Ерөнхий инженер Т.Батмөнх, ШУТИС-ийн харьяа, Ш.Отгонбилэгийн нэрэмжит “Эрдэнэт цогцолбор” дээд сургуулийн эрдэмтэн багш нар, ажилчид, оюутан, сурагчдын төлөөлөл оролцлоо.
Ш.Отгонбилэг агсан 1952 оны 2-р сарын 1-ний өдөр Завхан аймгийн Дөрвөлжин суманд мэндэлжээ. Тэрээр Эрдэнэт үйлдвэрийн Ерөнхий захирлаар ажиллаж байхдаа уул уурхайн салбарын үндэсний чадварлаг боловсон хүчин бэлтгэх зорилгоор одоогийн “Эрдэнэт цогцолбор” дээд сургуулийг байгуулах шийдвэр гаргасан тул тус сургуулийг Ш.Отгонбилэгийн нэрэмжит болгон, нэрийг нь мөнхжүүлсэн юм.
Энэхүү түүхэн өдрийг тохиолдуулан “Эрдэнэт цогцолбор” дээд сургууль Эрдэнэт үйлдвэрийн ажилчдын дунд “Ш.Отгонбилэгийг хэн сайн мэдэх вэ?” эссэ бичлэгийн уралдаан зарлаж, өнөөдөр шилдгүүдэд шагналыг гардууллаа. Уг уралдааны Тэргүүн байрт Авто тээврийн цехийн засварчин Ш.Бямбасүрэнгийн эссэ шалгарсан бол дэд байрт Баяжуулах үйлдвэрийн хөвүүлэн баяжуулагч Г.Ууганбаатар, гутгаар байрт гагнуурчин Б.Мөнхтулга нарын бүтээл тодорчээ.
Монгол Улсын Хөдөлмөрийн баатар, Эрдэнэт үйлдвэрийн анхны Монгол Ерөнхий захирал Шагдарын Отгонбилэг УИХ-ын гишүүн байхдаа 2001 оны 1-р сарын 14-нд Увс аймгийн Малчин сумын нутаг “Харгай зуух” гэдэг газарт албан ажлаар явж байгаад МИ-8 нисдэг тэрэгний ослоор эрсэдсэн юм.
Нар минутад мандаж минутад жаргана.
Үс засуулвал: 
Суудал: 
