Монголын Хөл бөмбөгийн холбооны мастер ангиллын +35, 40 насны улсын аварга шалгаруулах тэмцээн өнөөдөр Хангарьд паласт эхэллээ. Энэ удаагийн хөл бөмбөгийн улсын аварга шалгаруулах тэмцээнийг Эрдэнэт үйлдвэрийн ажилтан, ах дүү дөрвөн спортын мастерийн нэрэмжит болгон зохион байгуулж буйгаараа онцлогтой юм. Ах дүү дөрвөн хөлбөгчдийн нэрэмжит тэмцээн нэртэйгээр өмнө нь хоёр удаа болж байсан бол энэ жил улсын аварга шалгаруулах тэмцээн болон өргөжиж байна.
Эрдэнэт үйлдвэрийн ахмад ажилтан Сүхбаатарын дөрвөн хүү буюу С.Баярзаяа, С.Бадрахзаяа, С.Ганзаяа, С.Лувсан нар нь дөрвүүлээ хөл бөмбөгийн спортоор хичээллэн, спортын мастер цол хүртсэн аж. Тэд одоо Эрдэнэт үйлдвэрийн Авто тээврийн байгууллага, Дулааны цахилгаан станц, Ил уурхайд ажилладаг удам дамжсан уурхайчид юм.
Энэхүү хоёр насны ангиллын тэмцээнд нийслэл болон Хангарьд клубын 12 багийн 120 гаруй тамирчин оролцож байна. Тэмцээнд Монголын Хөл бөмбөгийн холбооны Удирдах зөвлөлийн гишүүн С.Пүрэвсүрэн нарын төлөөлөл оролцож байгаа бөгөөд тус холбооны шүүгчид шүүж байна.
Ах дүү дөрвөн хөл бөмбөгчдийн нэрэмжит улсын аварга шалгаруулах тэмцээн эхэллээ
-
М.Балжинням
- Мэдээ мэдээлэл
- 17/01/2025
- 5327
- 0
Б.Баттөгс
Зурагчин
Энэ мэдээ танд ямар санагдав?
0
0
0
0
0
М.Балжинням
None
Сэтгэгдэл үлдээх
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
