Баяжуулах үйлдвэрийн өсөн нэмэгдэж буй хэрэгцээг хангах зорилгоор эргэлтийн ус нөөцлөх 10 000 м3 багтаамжтай 3-р усан санг шинээр барьж, ашиглалтад орууллаа.
Эрдэнэ үйлдвэрийн жилд боловсруулах хүдрийн хэмжээ 40 сая тоннд хүрэхэд эргэлтийн усны зарцуулалт хоногт 260-280 мянган м3 болж өсжээ. Баяжуулах үйлдвэрийг ийм хэмжээний эргэлтийн усаар тасралтгүй хангахын тулд 10 000м3 багтаамжтай шинэ усан санг барьсан байна. Энэхүү бүтээн байгуулалтын зураг төслийн ажлыг “Хайдродизайн прожект” ХХК, барилгын ажлыг “Бридж констракшн” ХХК гүйцэтгэж, ашиглалтад хүлээлгэн өглөө.
2015 онд барьсан эргэлтийн 1, 2-р усан сангийн хийцлэл нь геомембран бөгөөд Монголын хатуу ширүүн уур амьсгалд тохирохгүй, их эвдрэл, зардал гардаг байжээ. Харин энэ удаа эргэлтийн усан санг төмөр бетон хийцлэлтэй байгуулснаар Баяжуулах үйлдвэрийг эргэлтийн усаар хангах найдварт ажиллагаа сайжирсан байна. 2026 онд геомембран хийцлэлтэй нэг усан сангаа төмөр бетон болгохоор зорьж байгаагаа Ус хангамжийн цехийн Эргэлтийн ус хангамжийн хэсгийн дарга Б.Амарсайхан ярив.
Шинэ усан санд одоогийн байдлаар 4.6 метрийн өндөр түвшинд, 8400 метр3 ус хуримтлагдаад байна. Газар шороо, барилгын ажил нь бүтэн жил гаруй хугацаанд үргэлжилсэн төмөр бетон усан сангийн ашиглалтын хугацаа 30 жилээс багагүй байхыг мэргэжилтнүүд дүгнэжээ.
Нар минутад мандаж минутад жаргана.
Үс засуулвал: 
Суудал: 
