Эрдэнэт үйлдвэр хог хаягдлын менежментийг сайжруулах, хуулийн хэрэгжилтийг хангах чиглэлээр өнгөрсөн онд бодитой ажлуудыг хийж гүйцэтгэжээ. Үйлдвэрлэлийн явцад үүссэн хог хаягдлыг эх үүсвэр дээр нь ангилан ялгаж, дахин боловсруулах, аюулгүйгээр устгах ажлыг үр дүнтэй зохион байгуулсан байна. Тухайлбал, төмрийн хаягдлыг Засвар, механикийн заводод, цаасны хаягдлыг “Төвхөн ананд” ХК-д шилжүүлж, дахин ашиглах боломжгүй 9000 м³ хогийг Хот тохижуулах газарт хүргүүлэв.
Мөн нийгмийн хариуцлагын хүрээнд Хангал гол дагуу 12.6 км урт, 234.2 га талбайн хогийг бүтцийн 25 нэгжийн 300 ажилтан, 13 тээврийн хэрэгсэлтэйгээр цэвэрлэж, 27,610 кг хог хаягдлыг төвлөрсөн хогийн цэгт буулгажээ. Түүнээс гадна “Байгаль орчин, уур амьсгалын өөрчлөлтийн яамны 2024 оны албан даалгаврын дагуу олон жил хуримтлагдсан 138 м³ хогийг ачиж цэвэрлэлээ” гэж Эрдэнэт үйлдвэрийн Байгаль орчин, ногоон хөгжлийн хэлтсийн химийн бодис, хог хаягдал хариуцсан мэргэжилтэн А.Одонтуяа мэдээллээ.
Харин аюултай хог хаягдлыг тендерт шалгарсан эрх бүхий байгууллагуудад гэрээний дагуу шилжүүлжээ. Тухайлбал, устгах шаардлагатай 4.3 тонн химийн бодис, есөн тонн фильтер, 3.4 тонн тортог, 0.66 тонн принтерийн хорыг “Элемент” ХХК-д, 448.6 тонн хаягдал тос, 10 тонн тос арчсан материал, 456 хаягдал дугуйг “Об ойл индастриал” ХХК-д, 12.99 тонн аккумлятор, 0.04 тонн батарей “Электрокем Монгол” ХХК-д, 27.82 тонн хуванцар сав, 47.62 тонн төмөр торх, 90 тонн хаягдал шуудай, хийн 100 баллоныг “Түмэн эгшиг” ХХК-д шилжүүлэн ажиллав.
Байгальд ээлтэй, ирээдүйд хариуцлагатай Эрдэнэт үйлдвэр цаашид тогтвортой менежмент хэрэгжүүлэхийн тулд хууль, журмыг чанд мөрдөж, нийгмийн хариуцлагын хүрээнд байгаль хамгаалах үйл ажиллагаагаа сайжруулах зорилт дэвшүүлэн ажиллаж байна.
Нар минутад мандаж минутад жаргана.
Үс засуулвал: 
Суудал: 
