Оны сүүлчийн өдөр Хүний нөөц, захиргааны хэлтэс бүтээмж чанарын дугуйлан буюу Change management group-ийнхээ тухайн оны ажлыг дүгнэж, шилдэг мэргэжилтнүүдээ тодруулдаг уламжлалтай. Энэхүү үйл ажиллагаа Эрдэнэт үйлдвэрийн Төрөлжсөн архивын байранд өнөөдөр боллоо.
Хүний нөөц, захиргааны хэлтсийн Change management group 2024 онд үйл ажиллагааг сайжруулах, цахимжүүлэх зорилт дэвшүүлж, Сонгон шалгаруулалтыг цахимжуулах, Чөлөөний хуудсыг цахимжуулах, Захирамжлалын баримт бичигт тоон гарын үсэг нэвтрүүлэх, Танхимын захиалгыг автоматжуулах, Архивын арга зүйн цахим заавар, Цахим архив зэрэг найман төслийг тэд 100 хувийн биелэлттэй хэрэгжүүлснийг “Хязгаарыг эвд” бүтээмжийн үйл ажиллагааны үеэр онцлон тэмдэглэв. Түүнээс гадна энэ жил 37 ажилтнаас 499 сайн санал гарсан нь сүүлийн гурван жилд хамгийн өндөр үзүүлэлт боллоо. Бид сайн саналын тооноос илүү хэрэгжилтэд гол анхаарлаа хандуулсан гэж Албан хэрэг хөтлөлтийн мэргэжилтэн, Change management group-ийн 2024 оны чиглүүлэгч Э.Цацрал ярив.
Энэ үеэр бүтээмжийн “Хязгаарыг эвд”-ж амжилт гаргасан шилдгүүдийг тодруулж, баяр хүргэсэн юм. Хүний нөөц, захиргааны хэлтсийн 2024 оны Бүтээмж хэрэгжүүлэгч Шилдэг ажилтнаар Хүний нөөцийн албаны мэргэжилтэн О.Дөлгөөнтамир тодорч, гадаадад сургалтад хамрагдах эрхээр шагнуулсан бол Бүтээмжийн хэрэгжилтээр тогтмол өндөр үзүүлэлттэй ажилтнаар Дотоод зохион байгуулалт, албан хэрэг хөтлөлтийн албаны бичиг хэргийн мэргэжилтэн Ө.Цэрэнханд, Сайн саналын идэвх оролцоогоор тэргүүлэгч ажилтнаар Төрөлжсөн архивын архив, албан хэрэг хөтлөлтийн улсын байцаагч М.Энхцэцэг, Бүтээмжийн шилдэг албаар Дотоод зохион байгуулалт, албан хэрэг хөтлөлтийн алба тодорлоо.
Мөн “No paper-Yes dijital” аянд амжилттай оролцож, тэргүүн байр эзэлсэн Дотоод зохион байгуулалт, албан хэрэг хөтлөлтийн албаны дарга Б.Мөнхцэцэг, дэд байрт шалгарсан Хүний нөөцийн албаны Тэргүүлэх мэргэжилтэн Б.Болор-Эрдэнэ, Төрөлжсөн архивын дарга Б.Одонтуяа нарт талархал, мөнгөн шагнал гардуулав.
Нар минутад мандаж минутад жаргана.
Үс засуулвал: 
Суудал: 
