Эрдэнэт үйлдвэрийн харьяа Орос 19 дүгээр дунд сургуулийн 50 жилийн ой энэ онд тохиож байна. Ойн хүрээнд тус сургуулийнхан жилийн турш соёл, спортын олон талт үйл ажиллагаа зохион байгуулж, сурагчдынхаа амжилтаар түүхт ойдоо бэлэг барьж буй.
Тус сургууль нийт төгсөгчдөө өнгөрсөн бямба гарагт урьж, “Нээлттэй хаалга”-ны өдөрлөг зохион байгуулав. Энэ үеэр төгсөгчдийн төлөөлөл болон сурагчид асуулт хариултын уралдаанд оролцож, төрөлх сургуулийнхаа үүх түүх, хөгжил дэвшил, ололт амжилтын талаар мэдээлэл солилцож, мэдлэгээ нэмлээ. Мөн хоёр сэдвээр “Дурсамж” хичээл зааж, өдөрлөгт ирсэн төгсөгчдөдөө сурагч нас, сургуулийн он жилүүдийг нь эргэн сануулсанд өндөр сэтгэгдэлтэй буйгаа ярьж байлаа. Түүнчлэн, авьяаслаг сурагчдын урлагийн тоглолт болж, эцэг эхчүүд багш нартаа толилуулахын зэрэгцээ төгсөгчид, сурагчдын хамтарсан бүжиг болон бусад чөлөөт хөтөлбөрүүд болсон. Мөн сурагчид волейболоор өрсөлдөн аваргуудаа тодруулсан байна.
Түүхт 50 жилийн ойтойгоо золгож буй Орос 19 дүгээр дунд сургуульд түүхэн замналынх нь туршид нийт 3400 хүүхэд суралцаж төгссөн байна. Гадаад, дотоодын их, дээд сургуульд суралцан, одоо эх орныхоо өнцөг булан бүрд амжилттай ажиллаж, хөдөлмөрлөж буй төгсөгчдөөрөө маш их бахархдаг тухай сургуулийн захирал Степанова С.И энэ үеэр хуваалцсан.
Тус сургуулийн 50 жилийн ойн хаалтын нэгдсэн үйл ажиллагаа ирэх оны 3 дугаар сард болно. Энэ үеэр тус сургуулийн үе, үеийн төгсөгчид болон сурагчдын хамтарсан хүндэтгэлийн концерт тоглох ажээ.
Нар минутад мандаж минутад жаргана.
Үс засуулвал: 
Суудал: 
