11 сард Эрдэнэт үйлдвэрийн үйлдвэрлэлийн төлөвлөгөө бүх үзүүлэлтээр биеллээ

Үйлдвэрлэл, техникийн хэлтсээс өгсөн мэдээллээр уулын цул гаргалтыг 369 мянган метр куб илүү гүйцэтгэж, төлөвлөгөөг 114 хувиар, хөрс хуулалт 341 мянган метр куб илүү буюу төлөвлөгөө 126.7 хувиар тус тус биелжээ. Хүдэр олборлолт төлөвлөгөөнөөс 70 мянган тонн илүү олборлож, 102 хувиар, Баяжуулах үйлдвэрт төлөвлөгөөнөөс 50 мянган тонн хүдэр  илүү өгч, төлөвлөгөөг 101.5 хувиар биеллүүллээ. Түүнчлэн, исэлдсэн хүдэр олборлолт 107.7 хувиар, өрөмдлөг 106.3 хувиар, ачаа эргэлтийн төлөвлөгөөг 109. 1 хувиар биелүүлсэн байна. 
Баяжуулагчид хүдэр боловсруулалтыг төлөвлөснөөс 94 мянган тонноор илүү гүйцэтгэж, оны эхнээс хоцрогдолтой байсан уг үзүүлэлтийг өнгөрсөн сард нөхөж, 102.9 хувиар биелүүлжээ. Зэсийн металл авалт 100 хувиар, молибдены металл авалт 103.1 хувиар биелсэн дүнтэй байна. Баяжмал дахь металлын төлөвлөгөө 102.5-128.2 хувиар биелсэн бол зэсийн баяжмалыг 1289 тонноор, молибдены баяжмалыг 136 тонноор тус тус илүү ачуулж, төлөвлөгөөг 102.7-134.9 хувиар давууллаа. Ачигдсан баяжмалын чанарын төлөвлөгөө зэсийнх 102 хувиар, молибденых 106.4 хувиар тус тус биелжээ.