Өнгөрсөн лхагва гарагт ялагчаа тодруулсан шинэ ажилтнуудын “Safety first -2024” тэмцээний дэд байрын эзэд болох S&7 багийн залуус шагналаа сайн үйлсийн аянд хандивлалаа. Энэ удаагийн ХЭМАБ-ын “Safety first -2024” тэмцээнд Барилга засварын цех, Цахилгаан цехтэй хамтарсан баг болж, тэмцээний нэг, хоёрдугаар шатанд амжилттай оролцон багийн нийт дүнгээр 2-р байранд шалгарсан юм.
Сайн үйлсийн аянд нэгдэж, шагналаа хандивлахаар шийдсэн залуусын сайхан санаачилгыг цехийн удирдлагууд нь дэмжин, хандивыг гардуулан өгч, багийн гишүүдэд талархлаа илэрхийлэв. Энэ удаа тэд уушгины хүнд өвчний улмаас яаралтай эмчилгээнд явах болсон Цахилгаан цехийн ажилтан М.Энхтүвшинд шагналынхаа тал хувь буюу 1 сая төгрөгийг эмчилгээнд нь зориулан хандивлалаа.
Энэ үеэр, Аж ахуй, үйлчилгээний цехийн ажилтан М.Цэрэнханд: “Бид багаараа санаачлан, сайн үйлсийн аянд нэгдсэндээ баяртай байна. Ер нь манай үйлдвэрийн хэмжээнд олон төрлийн сайн үйлсийн аян өрнөдөг. Нөгөө талаар, төрөл бүрийн уралдаан тэмцээнд цехүүд маань хамтраад, идэвхтэй, сайн оролцдог. Тэд маань амжилтынхаа шагнал урамшууллаас сайн үйлсийн аянд хандивлаж, нэн шаардлагатай тусламж хэрэгтэй хүмүүст сэтгэлийн дэм болгон өгдөг жишиг тогтоосой гэж хүсдэг. Тиймээс манай багийнхан өөрсдөө манлайлж, энэхүү уриалгыг эхлүүлж байна” гэж ярилаа.
Нар минутад мандаж минутад жаргана.
Үс засуулвал: 
Суудал: 
