Эрдэнэт үйлдвэрийн “Сэлэнгэ” амралт, аялал жуулчлалын цогцолборын “Энэрэл” төвийн нийгмийн ажилтан Б.Энхжаргал гар урлалын бие даасан үзэсгэлэнгээ өнөөдөр дэлгэлээ. Тэрээр “Энэрэл” төвд 32 дахь жилдээ ажиллаж байгаа бөгөөд үзэсгэлэнд найман төрлийн бүтээл тавигджээ.
“Хүүхдүүдтэй өнгөрүүлсэн 32 жил” сэдэвт үзэсгэлэнгийн онцлог нь Б.Энхжаргал багш өөрийн гар урлалын дугуйлангийнхаа ажлыг залгамж үедээ өвлүүлж байгаа явдал юм. Нөгөө талаар, төрөл бүрийн гар урлалын бүтээл хийхэд хүүхэд багачуудыг сургаж ажилласан ажлаа тайлагнав.
“Энэрэл” төвийн хүүхдүүд монгол ардын тоглоом, наадгайн төрлөөр түлхүү бүтээл урлажээ. Уг үзэсгэлэнг өмнө нь Цагаан сар, Шинэ жилд зориулан гаргаж байсан аж. Үзэсгэлэнд сүлжмэл, нэхмэлээс гадна шүр, давс, лаа, гипсээр хийсэн гар урлалын бүтээлийг дэлгэн үзүүлэв.
“Гар урлалын дугуйлангаа хүүхдүүдийг амьдрах ухаанд сургах зорилгоор анх хичээллүүлж эхэлсэн. Тус төвийн хүүхдүүдийн хийсэн гар урлалын бүтээлийг бэлэг дурсгал болгон хүмүүст өгдөг. Монгол ардын тоглоом, наадгайг эсгий дээр оёж, шидэж, түлэх зэрэг олон төрлийн аргаар урладаг болохоор цаг их ордог. Харин шигтгээ наамлын бүтээл арай өөр. 120х70-тай бүтээлийг 14 хоногт хийдэг. Ийм хамтын бүтээл хийхэд хүүхэд багачууд маш их юм сурдаг. Мөн хийж байгаа бүтээлээсээ танин мэдэхүйн мэдлэг олж авдаг. Хаягдал материал ашиглан гар урлалын бүтээл хийх ур чадварыг дугуйлангаараа хүүхдүүдэд олгодог. Ингэснээр хүүхдүүд өдөр тутамдаа амьдрах ухаанд суралцдаг. Нөгөө талаар гар урлалын бүтээл хийх явц нь хүний стрессийг тайлж байдгаараа онцлог юм” гэж “Энэрэл” төвийн нийгмийн ажилтан Б.Энхжаргал ярилаа.
Нар минутад мандаж минутад жаргана.
Үс засуулвал: 
Суудал: 
