Эрдэнэт үйлдвэрийн үйл ажиллагаанаас хүрээлэн буй орчинд үзүүлэх сөрөг нөлөөллийг бууруулах, бизнес процессыг оновчтой болгох, өртөг зардал бууруулан, үр ашгийг нэмэгдүүлэх, үйлдвэрлэл, үйл ажиллагааны гүйцэтгэлийг сайжруулах чиглэлээр ажилтнуудын санаачлан хэрэгжүүлсэн бизнес сайжруулалтын төслийн шилдгүүд тодорлоо.
Шалгаруулалтын эхэнд ТЭЗШХ-ийн дарга Р.Очбадрах “Шилдэг төсөл тодруулах нь зөвхөн тэмцээн уралдаан биш юм. Энэ нь үйлдвэрлэл, үйл ажиллагааны бүх талбарт асуудлыг шийдвэрлэх, шинэчилж өөрчлөх, үйл ажиллагаагаа оновчтой болгох, хүрсэн түвшингээ ахиулах, үр ашгийг нэмэгдүүлэх чиглэлээр сайжруулалтын ажлуудын үр дүнг бусаддаа таниулах, тэргүүн туршлага, мэдлэгээ хуваалцах, харилцан суралцах үйл ажиллагаа” гэж бизнес сайжруулалтын уралдааны ач холбогдлыг онцолсон.
Төслийн шалгаруулалтын сүүлийн шатад 27 баг илтгэлээ танилцуулснаас, үйлдвэрлэлийн процессын сайжруулалтын чиглэлээр, тэргүүн байранд БҮ-ийн НБХ-ийн дарга Ч.Энхбаатар ахлагчтай төслийн багийн хэрэгжүүлсэн “Баяжуулах үйлдвэрийн молибдены баяжуулалтын үр ашгийг нэмэгдүүлэх нь” төсөл, удаах байранд ЗМЗ-ын Чанарын товчооны мэргэжилтэн Г.Эрдэнэдаваа ахлагчтай төслийн багийн хэрэгжүүлсэн “Экскаваторын гулсалтын холхивчийн их биеийн хийцийн өөрчлөлт” төсөл, гутгаар байранд ЗМЗ-ын ЗБТТ-н инженер, зохион бүтээгч Г.Энхбат ахлагчтай төслийн багийн хэрэгжүүлсэн “Хүнд даацын өөрөө буулгагч белазын Камминс KTA-50C дотоод шаталтат хөдөлгүүрийн дунд ангийг сэргээн засварлах” төслүүд шалгарч, тусгай байрыг Ил уурхайн хэсгийн дарга Н.Мөнхбаяр ахлагчтай төслийн багийн хэрэгжүүлсэн “Комацу фирмийн GD825A-2 загварын хуучин автогрейдерийг сэргээн засварлах нь” төсөл эзэллээ.
Ногоон бүтээмжийн чиглэлээр, ЗМЗ-ын ҮБЗБХ-ийн мастер Б.Батсайхан ахлагчтай төслийн багийн хэрэгжүүлсэн “ГЦ-1400” маркийн ангилагчийн хийцийг өөрчилж, байгаль орчинд үзүүлэх сөрөг нөлөөллийг бууруулах” төсөл түрүүлж, ХМТАЦ-ийн Техник хангамжийн группын тэргүүлэх инженер Д.Гантулга ахлагчтай төслийн багийн хэрэгжүүлсэн “Технологийн процессын автоматжуулалтад ашиглаж байгаа аюултай хог хаягдлыг (тог баригч UPC батарей) багасгах нь” төсөл, БҮ-ийн УХ-ийн дарга П.Мөнхбаатар ахлагчтай төслийн багийн хэрэгжүүлсэн “Аюултай хог хаягдлын зардлыг бууруулах нь” төслүүд хоёр, гуравдугаар байранд шалгарав.
Цахимжилтын чиглэлийн төслүүдээс Мэдээллийн технологийн хэлтсийн дарга Б.Гансүх ахлагчтай төслийн багийн хэрэгжүүлсэн “ERP системийн Худалдан авалтын модулиар бизнес процессыг сайжруулах нь” төсөл, ХОХААБГ-ын Гаалийн харилцааны албаны дарга Ц.Мөнхболд ахлагчтай төслийн багийн хэрэгжүүлсэн “Гаалийн экспортын үйл ажиллагааг оновчлох нь” төсөл, БҮ-ийн ХАБЭА-н товчооны дарга Д.Бат-Эрдэнэ ахлагчтай төслийн багийн хэрэгжүүлсэн “ХЭМАБ-ын I, II шатны болон хяналтын инженерийн баримт бичгүүдийн хөтлөлтийг цахимжуулах замаар ХАБЭА-н хяналтын процессыг сайжруулах” төслүүд эхний байруудад шалгарсан байна.
Нар минутад мандаж минутад жаргана.
Үс засуулвал: 
Суудал: 
