Эрдэнэт үйлдвэрийн Соёл, урлагийн цогцолбор, Хөдөлмөрийн аюулгүй байдал, эрүүл ахуйн хэлтэс, Хүний нөөц, захиргааны хэлтэс хамтран зохион байгуулдаг уламжлалт “Safety first-2024” тэмцээн өнөөдөр эхэллээ.
Энэхүү тэмцээнийг ХАБЭАХ, СУЦ хамтран анх 1996 онд “Хөдөлмөр хамгаалал” нэртэйгээр зохион байгуулж байв. Эдүгээ 28 дахь жилдээ зохион байгуулж буй “Safety first-2024” тэмцээнд 25 бүтцийн нэгжийн 11 баг оролцож байна.
Тэмцээний эхэнд ХАБЭАХ-ийн дарга Д.Мөнхболд хэлэхдээ: "Эрдэнэт үйлдвэрт жилд 200-300 орчим хүн ажилд ордог. “Нэн түрүүнд ХАБ” сэдвийн хүрээнд зохиогдож буй энэ жилийн тэмцээнд 214 залуу ажилтан идэвх зүтгэл гарган оролцож байгаа нь онцлог юм. Нөгөө талаар залуу ажилчид өөрсдийн эрдэм мэдлэг, авьяас чадвараа харуулах боломж олгодог. Эрдэнэт үйлдвэрийн Хөдөлмөрийн аюулгүй байдал, эрүүл ахуйн соёлыг шинэ түвшинд гаргахад та нарын идэвх оролцоо, санал санаачилга маш чухал юм. Та бүхний дотор инженер, багш, белазын жолооч, засварчин, үйлчлэгч гээд төрөл бүрийн ажил мэргэжлийн хүмүүс байна. Энэ дэвжээн дээр ХАБЭА-н чиглэлээр эрдэм мэдлэгээ сорин, туршлагаа хуваалцаж, шударга өрсөлдөж, ажил, амьдрал дээр сайхан хамт олон, найз нөхөд болж явахыг хүсэн ерөөе” гэв.
Эхний шатны тэмцээнд ДЦС, ТЛТ-ийн хамтарсан, Ганчимэг ахлагчтай “Эверест “, Ус хангамжийн цехийн Алтангэрэл ахлагчтай “Чандмань”, Ил уурхай, ГХЭ-ийн Эрхэмбаатар ахлагчтай “Safety miners” багууд оролцлоо. Багууд “5А дадал” сэдэвт мэндчилгээ, “Манлайлал ба Ажилтны оролцоо” урлагийн үзүүлбэр, MNS ISO 45001:2018 ХЭМАБ-ын стандартыг хэн сайн мэдэх вэ? болон ХЭМАБ-ын дотоод нийтлэг дүрэм, журам, галын аюулгүй байдал, эмнэлгийн анхан шатны тусламжийн сэдвээр асуулт тавьж, хариулах байдлаар өрсөлдөв.
Түүнчлэн, эхний шатнаас шалгарсан зургаан баг сүүлийн шатанд өрсөлдөж, шилдгүүд тодрох бөгөөд үйлдвэрийн шинэ ажилтнуудын хөдөлмөрийн эрүүл мэнд, аюулгүй байдлын мэдлэг чадварыг сайжруулах, зөв ажиллах соёлыг төлөвшүүлэх, ажлын байранд дасан зохицоход дэмжлэг үзүүлэх зорилгоор зохион байгуулж буй “Safety first- 2024” тэмцээн амжилттай явагдаж байна.
Нар минутад мандаж минутад жаргана.
Үс засуулвал: 
Суудал: 
