Эрдэнэт үйлдвэрийн Хүний нөөцийн хөгжлийн цогц хөтөлбөрийн нэг болох Шинэ ажилтны дасан зохицох хөтөлбөрийн оролцогчдод сэтгэл зүйч, лектор Г.Наранбаатар, “Ажлын байрандаа дасан зохицох, хувь хүний хөгжил, харилцаа хандлага, зохион байгуулалт, стрессээ удирдах, сэтгэл зүйн эрүүл мэндээ хамгаалах, тулгамдсан асуудлыг даван туулах” зэрэг сэдвээр танхимын сургалт хийж, лекц уншлаа.
Хэрэгцээ тодорхойлох судалгааны үндсэн дээр зохион байгуулагдсан энэхүү сургалтад Эрдэнэт үйлдвэрт энэ жил шинээр ажилд орсон 281 ажилтан хамрагдсан юм. Тэд модуль-2 сургалтаар сэтгэл зүйч, лектор Г.Наранбаатарын лекцийг сонсохын зэрэгцээ өөрт тулгамдаж буй асуудлаа бодит жишээнд тулгуурлан ярилцаж, зөвлөгөө мэдээлэл авсан нь онцлог байв.
Шинэ ажилтны дасан зохицох хөтөлбөрийн Ажлын хэсэг шинээр ажилд орж буй хүн бүрийг тосон угтаж, хүрч ажиллах, хөгжүүлэх бодлого чиглэл баримтлан, улирал бүр тодорхой сэдвээр сургалт зохион байгуулж, танилцах аяллыг тогтмолжуулан ажиллаж байна, гэж тус хөтөлбөрийн Ажлын хэсгийн ахлагч, Ган бөөрөнцгийн цехийн хүний нөөцийн мэргэжилтэн Д.Саранзаяа ярилаа. Мөн тэрээр, 2025 оны эхнээс цахим платформ нэвтрүүлэх бэлтгэл ажил 90 хувийн гүйцэтгэлтэй явааг мэдээлсэн. Энэхүү ажил дүгнэлт, сайжруулалт хийсний дараа хэрэгжүүлэх шатанд шилжих аж.
Нар минутад мандаж минутад жаргана.
Үс засуулвал: 
Суудал: 
