Эрдэнэт үйлдвэрийн Гэрээт Дотоодын цэргийн 816 дугаар ангийн алба хаагч, ажилчдын урлагийн наадам Соёл, урлагийн цогцолборын Их танхимд амжилттай болж өндөрлөлөө. Соён гэгээрүүлэх ажлын хүрээнд тус ангийн алба хаагчдын авьяасыг нээн илрүүлэх, чөлөөт цагийг зөв боловсон өнгөрүүлэх, хамт олны эерэг дулаан уур амьсгалыг бэхжүүлэх зорилгоор энэ удаагийн урлагийн наадмыг мэндчилгээ, гоцлол дуу, хөгжим, язгуур урлаг, бүжиг гэсэн таван төрлөөр зохион байгуулжээ.
Урлагийн наадмын шүүгчээр Соёл, урлагийн цогцолборын гоцлол дуучин, МУСТА С.Ариун-Эрдэнэ, бүжиг дэглээч, МУСТА Б.Нямлхагва, тус ангийн ахмад дайчин, бэлтгэл хошууч Ш.Жаргалсайхан нар ажиллаж, шилдгүүдийг тодруулав.
Дотоодын цэргийн 816 дугаар ангийн алба хаагчдын урлагийн наадмын мэндчилгээний төрөлд тэргүүн байрыг Нэгдүгээр салбарын "Язгууртан" баг эзэлсэн бол дэд байрын шагналыг Хоёрдугаар салбарын "Пионер” баг хүртлээ. Харин гоцлол дууны төрөлд Захиргаа удирдлага, Ар тал, хангалтын жолооч, ахлах ахлагч Г.Эрдэнэбаатар тэргүүлсэн бол Нэгдүгээр салбарын хамгаалалтын ажилтан, ахлах ахлагч Б.Бямбадорж удаалав.
Хөгжмийн төрлийн тэргүүн байрт Хоёрдугаар салбарын хамгаалалтын ажилтан, ахлах ахлагч Н.Анхбаяр, дэд байрт Нэгдүгээр салбарын хамгаалалтын ажилтан, ахлагч Н.Жандос хөгжмийн авьяас мэдрэмжээрээ онцгойрон шалгарч, язгуур урлагийн төрөлд Нэгдүгээр салбарын "Язгууртан” баг тэргүүлж, Захиргаа удирдлага, Ар тал, хангалтын "Завгүй” баг дэд байр эзэллээ. Бүжгийн төрөлд Хоёрдугаар салбарын "Пионер” баг, Захиргаа удирдлага, Ар тал, хангалтын "Завгүй” баг эхний байруудыг тус тус эзэлсэн юм.
Урлагийн наадмын багийн нэгдсэн дүнгээр Хамгаалалтын ажилтан, ахлах ахлагч Б.Бямбадорж ахлагчтай Нэгдүгээр салбарын "Язгууртан” баг тэргүүлж, шилжин явах цомын эзэд боллоо.
Нар минутад мандаж минутад жаргана.
Үс засуулвал: 
Суудал: 
