“Эрдэнэт үйлдвэр” ТӨҮГ-ын ХЭМАБ-ын менежментийн тогтолцоо нь олон улсын ISO45001 стандартын дагуу үр нөлөөтэй хэрэгжиж байгаад, давтан баталгаажуулалтын аудит хийхээр “Эс Эф Си Эс” ХХК-ийн Аудитын баг Эрдэнэт үйлдвэрт ажиллаж байна.
Давтан баталгаажуулалтын аудитын нээлтийн хурал өнөөдөр Ерөнхий захиргааны нэгдүгээр байранд болж, Үйлдвэрийн газрын Ерөнхий инженер болон бүтцийн нэгжүүдийн удирдлага, ХАБЭА-н ажилтнууд, “Эс Эф Си ЭС” компанийн аудиторууд оролцлоо.
Аудиторууд өнөөдөр Ил уурхай, Баяжуулах үйлдвэр, Засвар, механикийн завод, маргааш “Эрдэнэт” сувиллын цогцолбор, Оёдлын цех, Аж ахуй, үйлчилгээний цех, Барилга засварын цех, Цахилгаан цех, Холбоо, мэдээллийн технологи, автоматжуулалтын цех болон бусад бүтцийн нэгжүүд дээр ажиллаж, ХЭМАБ-ын менежментийн тогтолцооны хэрэгжилт, ажлын байран дахь баримт бичигтэй танилцах, ажилтнуудтай ярилцах, ажиглалт хийх, нотолгоо, мэдээлэл цуглуулах юм.
Ингэснээр 2021 онд Эрдэнэт үйлдвэр анхдагч баталгаажуулалт хийлгэснээс хойш ямар үр дүн, сайжруулалт, хөгжил дэвшил гарсныг сайн туршлагаас олж дүгнэхээс гадна стандартын шаардлагын нийцэл юу байгааг олж тогтоох, сайжруулах боломжтой асуудлууд юу байна, менежментийн тогтолцооны хэрэгжилтэд нь аль болох тус болох зөвлөмжүүдийг гаргахыг зорьж байна гэж Аудитын багийн ахлагч, олон улсын ISO 9001, 45001, 14001 стандартын Тэргүүлэх аудитор Ж.Дуламсүрэн ярилаа.
Давтан баталгаажуулалтын аудит энэ сарын 30-ны өдөр хүртэл үргэлжилж, Баталгаажуулалтын зөвлөл аудитын явц, үр дүнг танилцуулж, шийдвэр гаргах юм.
Нар минутад мандаж минутад жаргана.
Үс засуулвал: 
Суудал: 
