Эрдэнэт үйлдвэрийн дэргэдэх Соёл, урлагийн цогцолборын 46 дахь жилийн өвөл цагийн үзвэр, үйл ажиллагааны нээлт өнөөдөр боллоо. Нээлтийн ажиллагааны эхэнд тус цогцолборын төв хойморт байрлах Янжинлхам бурханаа аравнайлан тахих зан үйл үйлдэж, “Үлэмжийн чанар” дуугаар уран бүтээлчид хүндэтгэл, аялгуу эгшиг өргөлөө. Энэ үеэр тус ордны уран сайхны удирдагч Х.Үнэнзориг, хүрэлцэн ирсэн зочид, үйлчлүүлэгчидтэйгээ мэндчилэхийн ялдамд энэ жилийн үзвэр үйлчилгээ, үйл ажиллагааны талаар танилцуулж, Соёл, урлагийн цогцолбороор тав тухтай, сэтгэл хангалуун үйлчлүүлэхийг хүсэв.
Өвөл цагийн үйл ажиллагааны нээлтэд Орхон аймагт ажиллаж амьдардаг утга зохиолын шилдгүүд, яруу найрагчид, мэргэжлийн урлагийн байгууллагууд болох Хүүхэд залуучуудын театр, Соёлын төвүүд, Орхон аймгийн Соёл, урлагийн газрын хамт олон, Эрдэнэт үйлдвэрийн ардын авьяастнууд, урлаг, соёлын үйл ажиллагааг хариуцан ажилладаг арга зүйч, ахмад уран сайханчид урилгаар оролцож байна.
Энэ өдөр үйл ажиллагааны төрөл, үйлчилгээг сурталчилж, тус цогцолборын дугуйлангууд болон авьяаслаг сурагчдын амжилт ололт, “Эрдэнэт үйлдвэр миний нүдээр” гар зургийн уралдааны шилдэг бүтээлүүдийг дэлгэн, үзэсгэлэн гаргав. Мөн Эрдэнэт үйлдвэрийн цахим музейг үзүүлж, авьяаслаг сурагчдын урлагийн тоглолт боллоо. Түүнчлэн, Ахмадын нэгдсэн зөвлөлтэй хамтран зохион байгуулдаг “Мөнхийн залуу нас” нийтийн бүжгийг зохион байгуулж, бүхий л үзвэр үйл ажиллагаагаа олон нийтэд нээлттэй хүргэж, олон шинэ уран бүтээл толилуулахаар төлөвлөж буйгаа зохион байгуулагчдын зүгээс онцлов.
Нар минутад мандаж минутад жаргана.
Үс засуулвал: 
Суудал: 
