Эрдэнэт үйлдвэрийн удирдлагууд, Японы Олон Улсын Хамтын Ажиллагааны Байгууллага ЖАЙКА-гийн мэргэжилтнүүдийг өнөөдөр хүлээн авч уулзлаа. Уулзалтад “Эрдэнэт үйлдвэр” ТӨҮГ-ын Ерөнхий захирал Г.Ёндон, Хөгжлийн хэлтсийн дарга Ц.Цэнд-Аюуш, тус хэлтсийн ерөнхий геологич Д.Алтанхуяг, ЭХХ-ийн дарга Л.Ариунболд болон бүтцийн нэгжийн удирдлагууд, ЖАЙКА-гийн эрчим хүчний салбар хариуцсан ажилтан Шида Косукэ, зөвлөх мэргэжилтэн Нато Такэши, Канай Тояомицу, ЖАЙКА-гийн хөтөлбөрийн ажилтан Ч.Оюунцэцэг, орчуулагч Б.Золбоо нар оролцлоо. ЖАЙКА-гийн мэргэжилтнүүд “Уурхайн ашиглалт, техник тоног төхөөрөмж,уурхайд ажилладаг түлшний нүүрстөрөгчийн ялгарлыг багасгах нь”, “Нүүрсгүйжүүлэх ажлын төлөвлөгөө”, "Одоо ашиглаж буй түлшийг е-дизель, устөрөгч зэрэг өөр түлшээр орлуулах боломж”, "Цахилгаанжсан уурхайн арга технологи”, "Эрчим хүчний аюулгүй байдал” зэрэг сэдвээр дэлгэрэнгүй мэдээлэл хийв. Мөн Баяжуулах үйлдвэр, Ил уурхай, Дулааны цахилгаан станц, Гамшгаас хамгаалах штабын үйл ажиллагаатай танилцаж, ЖАЙКА-гийн хэрэгжих төсөл, хөтөлбөр болон цаашдын хамтран ажиллах боломжуудын талаар ярилцлаа.
Нар минутад мандаж минутад жаргана.
Үс засуулвал: 
Суудал: 
