Монгол Улсын Засгийн газрын 2016 оны 217 дугаар тогтоолоор жил бүрийн энэ өдрийг “Хүний нөөцийн ажилтны өдөр” болгон тэмдэглэж ирсэн. 8 дахь жилдээ тэмдэглэж буй эл өдрийн хүрээнд Эрдэнэт үйлдвэрийн Хүний нөөц, захиргааны хэлтэс, Көүчлаб сургалтын төвтэй хамтран, нийт мэргэжилтнүүдийнхээ дунд сургалт хөгжлийн хөтөлбөр зохион байгуулав. Энэхүү хөтөлбөрийг хүний нөөцийн мэргэжилтнүүдийн дунд явуулсан санал асуулга, эрэлт хэрэгцээнд үндэслэн хийж буйгаа хэлтсийн удирдлагууд онцоллоо.
Сургалтын хөтөлбөрийн төгсгөлд “Хүний нөөцийн ажилтны өдөр”-ийг тохиолдуулан зарим мэргэжилтнүүдийг Засгийн газрын шагналаар шагнасныг Захиргаа, удирдлага, санхүүгийн газрын дарга Д.Баярбат, Хүний нөөц, захиргааны хэлтсийн Хүний нөөцийн албаны дарга Б.Одгарьд нар гардуулан, баяр хүргэлээ. Энэ үеэр Гэр бүл, хөдөлмөр, нийгмийн хамгааллын яамны “Хөдөлмөрийн тэргүүний ажилтан” тэмдгээр, Ил уурхайн хүний нөөцийн мэргэжилтэн Т.Халиунаа, Баяжуулах үйлдвэрийн хүний нөөцийн мэргэжилтэн Л.Мянган, Засвар механикийн заводын хүний нөөцийн мэргэжилтэн Н.Соёлмаа, Спорт цогцолборын хүний нөөцийн мэргэжилтэн Д.Эрдэнэсувд нар шагнагдсан бол тус яамны “Жуух бичиг”-ээр Авто тээврийн цехийн хүний нөөцийн мэргэжилтэн Э.Хэрлэнгоо, Баяжуулах үйлдвэрийн хүний нөөцийн мэргэжилтэн О.Оюун-Эрдэнэ, Зураг төслийн хүрээлэнгийн нарийн бичиг-бичиг хэргийн ажилтан Т.Бэлгүтэй нар шагнуулав. Мөн Орхон аймгийн Засаг даргын “Жуух бичиг”-ээр Засвар угсралтын цехийн хүний нөөцийн мэргэжилтэн Ц.Цолмон, Хүний нөөц, захиргааны хэлтсийн хүний нөөцийн мэргэжилтэн Э.Эрдэнэтуул нарыг шагнасныг гардууллаа. Түүнчлэн нэр бүхий ажилтныг Эрдэнэт үйлдвэрийн шагналаар шагнах тухай Ерөнхий захирлын 10 дугаар сарын 10-ны өдрийн тушаалыг Хүний нөөцийн албаны дарга Б.Одгарьд танилцуулсан юм.
Хүний нөөц, захиргааны хэлтсээс нийт удирдлага, мэргэжилтнүүдийнхээ дунд эрдэм шинжилгээний өгүүлэл, судалгааны ажил бичих уралдаан зарлаж, эхний байранд шалгарсан бүтээлүүдийг эмхэтгэн хэвлүүлсэн байна. Энэ үеэр энэхүү эмхэтгэлийг хүний нөөцийн мэргэжилтнүүддээ гардуулж, “Хүний нөөцийн ажилтны өдөр”-ийн бэлэг болгон барилаа.
Нар минутад мандаж минутад жаргана.
Үс засуулвал: 
Суудал: 
