Удирдах ажилтны даваа гарагийн ээлжит шуурхай зөвлөгөөнөөр цаг үеийн ажилд анхаарал хандуулж, мэдээлэл солилцлоо. Үйлдвэрийн хэмжээнд намар, өвлийн улиралд бэлтгэх ажлын төлөвлөгөө өнөөдрийн байдлаар 84.2 хувиар хангагдаж байна. Үндсэн технологийн тоног төхөөрөмжийн бэлэн байдлын чиглэлээр нийт 73 ажил төлөвлөснөөс 63 хувь нь 100 хувийн гүйцэтгэтгэлтэй байгаа бол эрчим хүчний тоног төхөөрөмж болон системүүдийг бэлтгэх ажлын 78.2 хувь нь бүрэн хийгджээ. Үйлдвэрийн хэмжээнд аж ахуй, нийгмийн барилга байгууламжийн чиглэлийн ажлууд 104 хийгдэхээс одоогийн байдлаар 66 нь 100 хувь, 15 нь 80-99 хувийн гүйцэтгэлтэй байна. Ингэснээр төлөвлөгөөний биелэлт 63.5 хувийн биелэлтэй байгаа аж. Өөрөөр хэлбэл, 2024-2025 оны намар, өвлийн бэлтгэл ажлын хүрээнд нийт 293 ажил төлөвлөснөөс одоогоор 191 ажил бүрэн хийгдэж дууссан байна.
Намрын мод тариалалт өнгөрсөн амралтын өдрүүдэд эхэлснийг Байгаль орчин, ногоон хөгжлийн хэлтсээс мэдээллээ. Бүх нийтээр мод тарих үндэсний өдрийн хүрээнд тус хэлтэс болон Ногоон хөгжил төслийн нэгжээс зохион байгуулсан үйл ажиллагаанд Хангал голын эрэг дагуух 3.4 га газарт үйлдвэрийн 35 бүтцийн нэгжийн 875 ажилтан, хоёр төрлийн 6125 ширхэг мод тарьж, усалгаа арчилгаа хийсэн байна. Түүнчлэн, “Тэрбум мод” үндэсний хөдөлгөөний хүрээнд Эрдэнэт үйлдвэрийн уурхайчид 3 сая 508 мянган мод тарьж, ургуулж байгаа юм.
Аж үйлдвэр, эрдэс баялгийн яам, Ашигт малтмал, газрын тосны газар, Монголын Уул уурхайн үндэсний ассоциаци хамтран 3 дахь жилдээ зохион байгуулсан “Уул уурхайн долоо хоног” буюу “Mining week & MinrPro-2024” олон улсын үзэсгэлэн, чуулга уулзалт Нийслэлийн Налайх дүүргийн нутаг дэвсгэр Тайж хайрхны бэлд энэ сарын 2-ноос 5-ны өдрүүдэд боллоо. Уг үйл ажиллагаанд зохион байгуулагчдын зүгээс ирүүлсэн удирдамжийн дагуу Эрдэнэт үйлдвэр 29 инженер техникийн ажилтны бүрэлдэхүүнтэйгээр үйлдвэрийн газрын танилцуулга, үзэсгэлэн, илтгэл болон уулзалтуудыг зохион байгуулж, оролцоод ирсэн байна. Түүнчлэн, энэ долоо хоногт Улаанбаатар хотод болох “Mongolian mining -2024” үйл ажиллагаанд Эрдэнэт үйлдвэрээс төлөөлөл оролцохоор бэлтгэж байгаа аж.
Эрдэнэт үйлдвэрийн ажилтнуудын 2024 оны эрүүл мэндийн урьдчилсан сэргийлэх үзлэгт өнөөдрийн байдлаар 6000 гаруй хүн хамрагдаад буй нь өндөр үзүүлэлт юм. Эрүүл мэндийн үзлэгийг цаг хугацаанд нь багтаах, ажилтнуудыг бүрэн дүүрэн хамруулахад цех нэгжүүд зохион байгуулалт хийж ажилласны үр дүн гэдгийг Хамтын ажиллагаа, нийгмийн харилцааны газраас онцлов. Оны эцэс хүртэлх хугацаанд үзлэгт хамрагдаагүй үлдсэн ажилтнуудаа идэвхтэй хамруулж, дуусгахыг анхаарууллаа. Мөн ирэх оны эрүүл мэндийн үзлэгийн багц сонголт болон квотын саналыг эцэслэн, “Эрдэнэт” сувиллын цогцолбор, “Эрдэнэт Медикал” эмнэлэг хамтран боловсруулалт хийж байна. Ингэснээр он гарангуут эрүүл мэндийн үзлэг төлөвлөсөн хугацаандаа эхэлж, дуусах бэлтгэл хангагдах юм байна.
Нар минутад мандаж минутад жаргана.
Үс засуулвал: 
Суудал: 
