Дэлхийд тэргүүлэгч стандартын байгууллага болох “Афнор” группийн олон улсын аудиторууд “Эрдэнэт үйлдвэр” ТӨҮГ-т хэрэгжиж буй “Хүний нөөцийн менежментийн тогтолцоо ISO 30400” багц стандартын олон улсын магадлан 2 аудит хийсэн дүгнэлтээ танилцууллаа. Одоогоос дөрвөн жилийн өмнө Эрдэнэт үйлдвэр төрийн байгууллагуудыг түүчээлэн, уул уурхайн салбарт уг стандарт нэвтрүүлсэн анхны үйлдвэр болж түүхэндээ нэгэн шинэ хуудас нээсэн юм.
2022 онд Эрдэнэт үйлдвэр “Хүний нөөцийн менежментийн тогтолцоо ISO 30400” багц стандартын хэрэгжилтийг баталгаажуулах аудитад анх орохдоо давуу тал 17, сайжруулах боломж 9, анхаарах хэсэг 7, үл тохирол үгүй, 65 тохиролтой 70 онооны үнэлгээтэй олон улсын гэрчилгээ авч байв. Харин 2023 онд олон улсын магадлан 1 аудитын дүгнэлтээр давуу тал 26, сайжруулах боломж 5, анхаарах хэсэг 4, үл тохирол үгүй, 63 тохиролтой буюу 77 оноотой гарч байсан. “Афнор” группийн Монгол дахь итгэмжлэгдсэн “МонСертф” ХХК-ийн Олон улсын тэргүүлэх эрхтэй аудитор, докторант Ю.Наранцацрал хэлэхдээ, 62 онооноос дээш үнэлгээ авсан тохиолдолд тэнцсэн гэж үздэг. Эрдэнэт үйлдвэр эхнээсээ өндөр оноо авч, тасралтгүй сайжруулалт маш сайн хийж явааг хаалтын хурлын үеэр онцоллоо.
Энэ удаа “Афнор” группийн олон улсын эрхтэй, таван аудитор Эрдэнэт үйлдвэрт ажиллаж, давуу тал 28, сайжруулах боломж 3, анхаарах хэсэг 1, үл тохирол үгүй, 66 тохиролтой буюу 80 онооны үнэлгээ өгч, “Хүний нөөцийн менежментийн тогтолцоо ISO 30400” багц стандартын хэрэгжилтийг баталгаажуулсан олон улсын гэрчилгээг үргэлжлүүлэн хадгалах эрх олгов.
Аудитын үр дүнгийн хурлын төгсгөлд Олон улсын Тэргүүлэх аудитор А.Оленков үг хэлэхдээ, “Стандарт нэвтрүүлж хэрэгжүүлнэ гэдэг өндөр ууланд авирахтай адил. Дээшлэх тусам амаргүй байх болно. Битгий зогсоорой, хичээгээрэй!” хэмээн хүний нөөцийн мэргэжилтнүүдэд хүч өгсөн юм.
Нар минутад мандаж минутад жаргана.
Үс засуулвал: 
Суудал: 
