Хүний нөөцийн менежментийн тогтолцооны ISO 30400 багц стандартыг амжилттай хэрэгжүүлж буй Эрдэнэт үйлдвэрийн Хүний нөөц, захиргааны хэлтсийн мэргэжилтнүүд өглөөний ээлжит "workshop” уулзалтыг мэдлэг хуваалцах, шинэ ажилтнуудтай танилцах сэдвийн хүрээнд өнөөдөр хийлээ. Энэ удаагийн уулзалтыг Хүний нөөцийн алба хариуцан зохион байгуулжээ.
Уулзалтад “Эрдэнэт үйлдвэр” ТӨҮГ-ын Хүний нөөц, захиргааны хэлтсийн дарга О.Отгонбаяр, хүний нөөцийн мэргэжилтнүүд болон шинэ ажилтнуудаас бүрдсэн 30 орчим хүн оролцож, бүтээмжийн үйл ажиллагаа, “Хувь хүний хөгжлийн туршлага” сэдвээр мэдээлэл солилцов. Мөн тус хэлтсийн Хүний нөөцийн албаны Тэргүүлэх мэргэжилтэн Б.Болор-Эрдэнэ “Change management group”-ийн танилцуулга хийж, Мэдээллийн систем хариуцсан мэргэжилтэн Д.Идэрбаяр хиймэл оюун ухаан, түүний хэрэглээний талаарх мэдлэгээ хуваалцсан юм.
Түүнээс гадна хүний нөөцийн мэргэжилтнүүд үйлдвэрийн газрын дотоод журам, хамтын гэрээтэй холбоотой асуулт хариултын “Сэтгэ, бод, хариул” хөгжөөнт тоглоомд цахимаар оролцож, энэ өдрийн ажлаа эрч хүчтэй эхлүүллээ. Энэ үеэр шинэ ажилтнуудтай уламжлал ёсоор Багш-шавийн гэрээ байгуулж, тэдэнд шинэ ажилтны багц гардуулан, ажлын амжилт хүссэнээр уулзалт өндөрлөв.
Нар минутад мандаж минутад жаргана.
Үс засуулвал: 
Суудал: 
