Спорт цогцолборын хамт олон Эрдэнэт үйлдвэрийн бүтцийн нэгжүүдийн арга зүйчдийн ажлын уялдаа холбоог сайжруулах, эрүүл мэнд, спортын ур чадварыг дээшлүүлэх зорилгоор арга зүйчдийн дунд корнхолл, дартс, 3х3 сагсан бөмбөгийн тэмцээнүүдийг өчигдөр зохион байгууллаа. Спорт өдөрлөгийг нээж, Спорт цогцолборын дарга, Монгол Улсын Хөдөлмөрийн баатар Ш.Даваахүү хэлсэн үгэндээ, “Соёлтой харилцаа - Чанартай үйлчилгээ” уриан дор мэргэжлийн үйлчилгээг чанартай үзүүлэхийн тулд Эрдэнэт үйлдвэрийн баялаг бүтээгч уурхайчдыг чийрэгжүүлэх, улмаар хөдөлмөрийн бүтээмжийг дээшлүүлэхэд чухал үүрэгтэй ажилладаг арга зүйчдийн эв нэгдэл, ур чадвар, харилцан уялдаатай, биеэ биеэ дэмжсэн үйл ажиллагаа юу юунаас чухал болохыг онцлов.
Энэхүү өдөрлөгт Эрдэнэт үйлдвэрийн бүтцийн нэгжийн 45 арга зүйч спортын гурван төрлөөр баг болон өрсөлдөж, Спорт цогцолбороос томилогдсон багш дасгалжуулагч нар шүүн явууллаа. Дартсын тэмцээнд Орос сургуулийн арга зүйч Б.Даваасүрэн ахлагчтай баг түрүүлж, Дулааны цахилгаан станцын арга зүйч Д.Ганчимэг ахлагчтай баг дэд байрт, “Эрдэнэт цогцолбор” дээд сургуулийн арга зүйч Д.Цэгмид ахлагчтай баг гутгаар байрт шалгарав. Харин корнхоллын тэмцээнд Д.Цэгмид ахлагчтай баг илүүрхсэн бол Ил уурхайн арга зүйч Н.Нандинцэцэг, Дулааны цахилгаан станцын арга зүйч Д.Ганчимэг ахлагчтай багууд удааллаа. 3х3 сагсан бөмбөгийн тэмцээнд Д.Цэгмид ахлагчтай баг нэгдүгээр байр, Д.Ганчимэг ахлагчтай баг хоёрдугаар байр, Б.Даваасүрэн ахлагчтай баг гуравдугаар байр эзэлж, өргөмжлөл, мөнгөн шагнал хүртсэн юм.
Спорт өдөрлөгийн шагнал гардуулах ёслолын үеэр Хамтын ажиллагаа, нийгмийн харилцааны бодлогын газрын дарга Ц.Бат-Энх, арга зүйчдэд ажлын байрны дасгалыг эрчимжүүлэх, спортын наадмын төрлийг цөөлж, олон нийтийг хамарсан үзэгчтэй зохион байгуулах үүрэг чиглэл өгч, ажлын амжилт хүслээ.
Нар минутад мандаж минутад жаргана.
Үс засуулвал: 
Суудал: 
