ОХУ-ын Ерөнхийлөгч асан Б.Н.Ельциний нэрэмжит Уралын Холбооны их сургуулийн Гадаад харилцаа эрхэлсэн орлогч захирал Тушин Сергей Геннадьевич тэргүүтэй зочид өнөөдөр Эрдэнэт үйлдвэрт зочилж, төгсөгчидтэйгөө уулзлаа.
Энэ үеэр Уралд төгсөгчдийн Орхон салбар холбоог шинээр байгуулж, Тэргүүнээр нь “Эрдэнэт үйлдвэр” ТӨҮГ-ын Үйлдвэрлэл, технологийн парк төслийн нэгжийн дарга Б.Алтангэрэлийг сонгов.
Тус сургууль 1961 оноос монгол оюутан элсүүлэн сургаж эхэлсэн бөгөөд өнгөрсөн хугацаанд 3000 гаруй монгол оюутан төгсөж, нийгэм, эдийн засаг, соёл, боловсрол, аж үйлдвэр, барилга, уул уурхай, эрчим хүчний салбарт ажиллаж байгааг энэ үеэр дурдсан. Харин Орхон аймагт Уралын Холбооны их сургууль төгссөн 50 гаруй мэргэжилтэн байгаагийн дийлэнх нь Эрдэнэт үйлдвэрийн инженер, техникийн ажилтнууд байна.
Сүүлийн жилүүдэд Уралын Холбооны их сургууль “Эрдэнэт цогцолбор” дээд сургуультай хамтын ажиллагаагаа өргөжүүлж, металлургийн чиглэлээр мэргэжилтэн бэлтгэж эхэлсэн. Цаашид төгсөгчдөө давтан сургах, шинжлэх ухаан, үйлдвэрлэлийн чиглэлд төсөл хөтөлбөр хэрэгжүүлэх замаар хамтын ажиллагаагаа улам өргөжүүлэх сонирхолтой байгаагаа Уралын Холбооны их сургуулийн Гадаад харилцаа эрхэлсэн орлогч захирал Тушин Сергей Геннадьевич илэрхийлсэн юм.
Нар минутад мандаж минутад жаргана.
Үс засуулвал: 
Суудал: 
