Эрдэнэт үйлдвэрийн хэмжээнд “Мэдлэг түгээх ажлын байр” бий болгох зорилтот төсөл хэрэгжиж эхэлснээр ажилтнууд өөрийн ажлын байрандаа мэдлэг түгээх, хуваалцах, илрүүлэх, түүнийг хадгалах орчин нөхцөлийг бүрдүүлэх боломж бүрдсэн. Төслийн цар хүрээ, үр ашгийг нэмэгдүүлэх зорилгоор Хүний нөөц, захиргааны хэлтсийн бүтээмж дээшлүүлэх “Change management” группээс “Мэдлэг хуваалцах, туршлага судлах” өдөрлөгийг санаачлан зохион байгууллаа. Тус хэлтсийн ажилтнууд өдөрлөгийн үеэр Авто тээврийн цехийн тусгай зориулалтын машин механизмын засварын хэсгийн “Мэдлэг түгээх ажлын байр”-тай танилцан, харилцан туршлага солилцож, нээлттэй ярилцлага хийсэн. Мөн үйлдвэрлэлийн байранд эко-ногоон орчин бүрдүүлэх санал, санаачилга гарган, хэрэгжүүлжээ.
Бүтээмж дээшлүүлэх “Change management” группийнхэн уламжлалт өдөрлөгөө энэ удаа нийгмийн хариуцлагын хүрээнд “Сэлэнгэ” амралт, аялал жуулчлалын цогцолборын “Энэрэл” төвийн зуны зусланд зохион байгууллаа. Төвийн хүүхдүүдийн чөлөөт цагийг зөв боловсон өнгөрүүлэх, дуу бүжиг, ном зохиол, кино дэлгэцээр дамжуулан тэдний зуны амралтад мартагдахааргүй дурсамж үлдээх зорилготой “Үлгэрийн цаг” аян өрнүүлж, хөгжөөнт тоглоом, АХА тэмцээн, Open mic, спортын тэмцээн, дуу бүжгээр уралдсан байна. Энэ үеэр Хүний нөөц, захиргааны хэлтсийн ажилтнуудын хандиваар цугларсан ном, тоглоомуудыг бэлэглэж, Хэлтсийн дарга О.Отгонбаяр хүүхдүүдэд хичээл, сурлагын өндөр амжилт хүслээ.
Нар минутад мандаж минутад жаргана.
Үс засуулвал: 
Суудал: 
