Перу улсын Лима хотод зохион байгуулагдсан Өсвөр үеийн жүдо бөхийн Дэлхийн аварга шалгаруулах тэмцээний эрэгтэйчүүдийн 50 кг-ийн жинд "Хангарьд" спорт клубын тамирчин Бямбасүрэнгийн Чинхүслэн хүрэл медаль хүртсэн.
Харин БНСУ-ын Мүнгёнг хотод болсон Азийн 2024 оны жүдо бөхийн Өсвөрийн аварга шалгаруулах тэмцээний охидын 70 кг-ын жинд “Мон-Алтиус" академийн тамирчин Эрдэнэбатын Буян-Өлзий аваргын алтан медаль хүртэж төрийн дууллаа эгшиглүүлсэн юм.
Өнөөдөр Эрдэнэтчүүд тив, дэлхийн тэмцээнд амжилттай оролцож, шинэ түүх бүтээсэн хүүхдүүдээ “Эрдэнэт” хаалган дээр ёслол хүндэтгэл дүүрэн угтлаа. Энэхүү үйл ажиллагаанд Орхон аймгийн ЗДТГ, Биеийн тамир, спортын газар, “Эрдэнэт үйлдвэр” ТӨҮГ-ын Спорт цогцолборын удирдлагууд, “Хангарьд” спорт клуб, дэвжээ, ангийн хамт олон, найз нөхөд нь оролцож, баяр хүргэлээ.
ӨСВӨРИЙН ЖҮДО БӨХИЙН ДЭЛХИЙН АВАРГА ШАЛГАРУУЛАХ ТЭМЦЭЭНИЙ ХҮРЭЛ МЕДАЛЬТ, ОРХОН АЙМГИЙН 1-Р СУРГУУЛИЙН 12Ё АНГИЙН СУРАЛЦАГЧ Б.ЧИНХҮСЛЭН:
Ер нь дэлхийн аваргын тэмцээн чанга болдог. Энэ удаа ч дэлхийн шилдэг тамирчидтай учраа таарч барилдах амаргүй байсан. Миний хувьд амжилт үзүүлсэн нь бэлтгэл сайн хийсний үр дүн. Энэ зун амралтгүй бэлтгэл хийсэн. Эхний үед Дэлхийн аваргаас хүрэл медаль хүртсэндээ өөртөө итгэж чадахгүй байсан. Өмнө нь Монгол Улсын аварга шалгаруулах тэмцээнд гурван удаа түрүүлж, Д.Нармандах гавьяатын нэрэмжит тэмцээнд бас гурван удаа түрүүлж байсан. Намайг дасгалжуулж, миний арыг бат даадаг, Монгол Улсын Гавьяат дасгалжуулагч Ш.Бат-Орших, Олон Улсын хэмжээний мастер Д.Алтансүх, Наранбаатар, Марал-Эрдэнэ багш нартаа маш их баярлалаа.
АЗИЙН 2024 ОНЫ ЖҮДО БӨХИЙН ӨСВӨРИЙН АВАРГА, “МОН-АЛТИУС" АХЛАХ СУРГУУЛИЙН 11А АНГИЙН СУРАЛЦАГЧ Э.БУЯН-ӨЛЗИЙ:
Би жүдо бөхийн спортоор найм дахь жилдээ хичээллэж байна. Эх орноосоо мордохдоо л Азийн аварга болно гэсэн том зорилготой явсан болохоор дэвжээн дээр гарахдаа огт айгаагүй, зоригтой байсан. Энэтхэг, Казахстан, Узбек, Иорданы тамирчдыг ялж, алтан медаль хүртсэн. Өмнө нь Монгол Улсын насанд хүрэгчдийн тэмцээнээс мөнгөн медаль, Улсын аваргаас хоёр алтан медаль хүртэж байсан. Энэ удаагийн Азийн аваргын тэмцээнд Монголоос 20 гаруй тамирчин, Орхон аймгаас гурван хүүхэд явсан. Манай хоёр хүрэл медаль авахын өмнөх барилдаан дээр торгуулиар унасан. Ингээд биднийг дасгалжуулдаг “Хангарьд” спорт клубын багш нартаа баярлалаа. Халуун дотноор угтсан аймаг орон нутгийн удирдлагууд, найз нөхөд, Эрдэнэтчүүддээ талархал илэрхийлье.
Нар минутад мандаж минутад жаргана.
Үс засуулвал: 
Суудал: 
