Эрдэнэт үйлдвэрийн Оёдлын цехийн төслийн багийнхан “Мэдлэг түгээх ажлын байр”-аа тохижуулахын тулд эхлээд зөөлөн оёдлын болон баяжмалын уут оёх хэсгийн оёдолчид, эсгүүрчид, мастер, чанар шалгагч нарын дунд нээлттэй санал асуулга явуулжээ. Нээлттэй асуулгаар оёмол бүтээгдэхүүнийг оёх, эсгэхэд шаардлагатай технологи заавар бэлтгэх, ажлын хувцас, хамгаалах хэрэгслийн технологийн картыг ил тод, ойлгомжтой байхаар хийх, үлгэр загваруудыг эмх цэгцтэй байршуулах зэрэг далд мэдлэгийг илрүүлж түгээх хэрэгцээ шаардлага буйг тодорхойлсон байна.
Энэ дагуу оёмол бүтээгдэхүүний хэсгүүддээ “Мэдлэг түгээх ажлын байр” нээж, ажлын байраар дамжуулан мэдлэг түгээх, бүтээх, хуваалцах, далд мэдлэгийг илрүүлэх, хадгалах орчин нөхцөл бүрдүүлж, “Мэдлэгийн менежментийн тогтолцоо”-ны үндэс суурийг тавих, мэдлэгийн менежментийн ISO 30401 стандартыг үр дүнтэй хэрэгжүүлэх зорилготой ажиллаж байна.
Нээлтийн үйл ажиллагаанд Хүний нөөц, захиргааны хэлтсийн дарга О.Отгонбаяр, төслийн ажлын хэсгийн ахлагч, Төрөлжсөн архивын дарга Б.Одонтуяа болон цехийн удирдлага, хамт олны төлөөлөл оролцон, зөөлөн оёдлын “Мэдлэг түгээх ажлын байр”-тай танилцав.
Оёдлын цехэд “Мэдлэг түгээх ажлын байр” нээгдсэнээр ажилтан болон хэрэглэгчид илүү ойлгомжтой, хүртээмжтэй болж, цаг хугацаа хэмнэх, ажлын байрны эмх цэгц сайжрах, ажилтан бие дааж суралцах, дадлагажих, мэдлэг олж авах, мэдлэгээ бататгах, бүтээгдэхүүнийг эсгэх, оёх үеийн гологдол гарах магадлал буюу үл тохирол багасах зэрэг бүтээмж нэмэгдэх олон эерэг боломж бүрдэж буйг төсөл хэрэгжүүлэгчид онцоллоо.
Тус цехийн “Мэдлэг түгээх ажлын байр” -ны тохижилтын ажлын зардлыг 2022 оны “Эрдэнэт үйлдвэр” ТӨҮГ-ын “Хөдөлмөрийн аварга”, Оёдлын цехийн зөөлөн оёдлын хэсгийн эсгүүрчин Б.Хишигжав хувиасаа хандивлан, дэмжин ажиллажээ.
Нар минутад мандаж минутад жаргана.
Үс засуулвал: 
Суудал: 
