“Эрдэнэт үйлдвэр” ТӨҮГ-ын 2025 оны бизнес төлөвлөгөөг боловсруулах ажлын хүрээнд “Business plan-2025” урьдчилсан хэлэлцүүлгийг Захиргаа, удирдлага, санхүүгийн газраас санаачлан зохион байгууллаа.
Тус хэлэлцүүлэгт “Эрдэнэт үйлдвэр” ТӨҮГ-ын Ерөнхий захирал Г.Ёндон, газар, хэлтсийн удирдлагууд оролцож, хэлэлцүүлгийг Захиргаа, удирдлага, санхүүгийн газрын дарга Д.Баярбат удирдаж явууллаа. Уулзалт, хэлэлцүүлгээр Эрдэнэт үйлдвэрийн 2025 оны бизнес төлөвлөгөөг боловсруулахад анхаарах шаардлагатай гол асуудлууд болон төлөвлөлтийн үйл явцад бүтцийн нэгжүүдийн уялдаа холбоог хэрхэн ханган ажиллах талаар нээлттэй ярилцаж, мэдээлэл солилцсон.
Энэ удаагийн урьдчилсан хэлэлцүүлэгт Монгол банкны Ерөнхий эдийн засагч, Эдийн засгийн шинжлэх ухааны доктор (D.Sc.), Дэд профессор Д.Ган-Очир цахимаар оролцож, “Гадаад орчны төлөв, анхаарах асуудал” сэдвээр олон улсын, үндэсний, бүс нутгийн улс төр, хууль, технологи, эдийн засаг, нийгмийн асуудлуудын талаар мэдээлэл өгсөн нь онцлог байв.
Мөн хэлэлцүүлэгт оролцсон бүтцийн нэгжийн удирдлагууд 2025 оны бизнес төлөвлөгөө боловсруулахад зайлшгүй судалж, мэдэх шаардлагатай суурь нөхцөлүүд болох бизнесийн гадаад орчны төлөв, дотоод орчны нөхцөл байдал, дунд хугацааны стратеги төлөвлөгөөний хэрэгжилтийн явц, уул геологи, үйлдвэрлэл, санхүү, эдийн засгийн өнөөгийн нөхцөл байдал зэрэг сэдвүүдийн хүрээнд нэгдсэн мэдээлэл авч, санал солилцсон нь зохион байгуулалтын хувьд шинэлэг болсон.
“Business plan-2025” урьдчилсан хэлэлцүүлгээр Үйлдвэрийн газрын удирдлага, бүтцийн нэгжийн дарга, холбогдох мэргэжилтнүүд хамтдаа ирэх жилийн үйл ажиллагааны төлөвлөлтөд тусгах боломж, нөхцөлүүдээ тодорхойлж, анхаарах шаардлагатай чухал асуудлуудаа хэлэлцэж, тодорхой чиглэл, санал, зөвлөмжүүдийг гаргасан үр дүнтэй болж өндөрлөлөө.
Нар минутад мандаж минутад жаргана.
Үс засуулвал: 
Суудал: 
