“Эрдэнэт үйлдвэр” ТӨҮГ-ын дэргэдэх, ШУТИС-ийн харьяа Ш.Отгонбилэгийн нэрэмжит “Эрдэнэт цогцолбор” дээд сургуулийн 2023-2024 оны хичээлийн жилийн хаврын улирлын 25 дахь төгсөлтийн “Эрдмийн баяр” ёслол хүндэтгэлийн ажиллагаа Соёл, урлагийн цогцолборын их танхимд өнөөдөр боллоо.
“Эрдмийн баяр”-т ШУТИС-ийн ректор, доктор, профессор Т.Намнан, доктор, профессор Н.Ганчимэг, Санхүү төлөвлөлт эрхэлсэн доктор, профессор н.Баяр-Эрдэнэ, “Эрдэнэт үйлдвэр” ТӨҮГ-ын Ерөнхий захирал, геологи-минералогийн ухааны доктор Г.Ёндон, Дотоод хяналт, мониторингийн хэлтсийн дарга Б.Энхжин, Хүний нөөц, захиргааны хэлтсийн дарга, доктор О.Отгонбаяр, Төрийн соёрхолт, Монгол Улсын Гавьяат уурхайчин Х.Баатархүү нарын хүндэт зочид, Эрдмийн зөвлөлийн гишүүд, эрдэмтэн багш, ажилчид, төгсөгчид оролцов.
Энэ үеэр “Эрдэнэт цогцолбор” дээд сургуулийг 3.2-оос дээш үнэлгээний голч дүнтэй дүүргэж буй шилдэг төгсөгч А.Жаргалмаа, П.Номин-Эрдэнэ, О.Мөнхсолонго, Б.Батсанаа, Б.Одгэрэл, С.Төгстөгөлдөр, У.Билгүүн нарт Дэлхийн шилдэг аж ахуйн нэгж, Монгол Улсын Баатар Эрдэнэт үйлдвэрт ажиллах эрхийн батламж гардуулсан юм. Эрдэнэт үйлдвэрийн Ерөнхий захирал Г.Ёндон төгсөгчдөд хандаж үг хэлэхдээ, “Эрдэнэт цогцолбор” дээд сургууль химийн инженерчлэлийн анги нээж, Эрдэнэт үйлдвэрийн дэргэд шинээр баригдаж буй Үйлдвэрлэл, технологийн парк, зэсийн баяжмал хайлуулах, боловсруулах үйлдвэр болон түүнийг дагасан өртөг шингэсэн үнэлэмж өндөр бүтээгдэхүүн гаргах хими технологийн үйлдвэр Монгол Улсад эрчимтэй хөгжихөд шаардлагатай хүний нөөцийг бэлтгэх болсонд талархал илэрхийлээд, өдөр бүр өөрийгөө хөгжүүлж, сайн инженерүүд болохыг хүсэн ерөөгөөд ажлын амжилт хүслээ.
“Эрдэнэт цогцолбор” дээд сургууль 2023-2024 оны хичээлийн жилд Японы сургалтын Коосэн хөтөлбөрийг анх удаа орон нутагт амжилттай хэрэгжүүлсэн төдийгүй инженер технологиос гадна нийгмийн салбарын мэргэжилтнүүдийг бэлтгэснээрээ онцлог юм.
Энэ хичээлийн жилийн хаврын улиралд магистрын хөтөлбөрөөр 13, бакалаврын хөтөлбөрөөр 70 гаруй төгсөгч ийнхүү нэгэн зэрэг дипломоо гардаж, “Эрдмийн баяр”-аа ёслол төгөлдөр тэмдэглэлээ.
Нар минутад мандаж минутад жаргана.
Үс засуулвал: 
Суудал: 
