“Эрдэнэт үйлдвэр” ТӨҮГ техник технологийн шинэчлэл, өргөтгөлийн ажлыг үе шаттай, амжилттай хэрэгжүүлж байна. Үүний нэг нь Баяжуулах үйлдвэрийн Өөрөө нунтаглах хэсгийн дөрөвдүгээр шугамын хүчин чадлыг хоёр сая тонноор нэмэгдүүлэх төслийн ажил юм. Энэхүү ажил 90 гаруй хувийн гүйцэтгэлтэй өрнөж байгааг Баяжуулах үйлдвэрийн Засварын хэсгийн дарга Д.Наранбаатар мэдээллээ. Төслийн хүрээнд БНХАУ-ын CITIC заводад үйлдвэрлэсэн МШЦ6,7х9,75 маркийн тээрмийг масло станцын хамт, Швейцарь улсад үйлдвэрлэсэн АВВ фирмийн шингэн хөргөлттэй давтамж хувиргагч бүхий 6000В хос цахилгаан хөдөлгүүр, АНУ-д үйлдвэрлэсэн хоёр муфт угсрах ажил үргэлжилж байна.
Хүдэр нунтаглах хоёрдугаар шатны есдүгээр тээрэм нь цагт 1000 тонн хүдэр боловсруулах хүчин чадалтай. Өргөтгөл шинэчлэлийн ажлыг хийснээр Баяжуулах үйлдвэрийн суурилагдсан хүчин чадал 40 сая тоннд хүрэх нөхцөл бүрдэх юм.
Энэхүү далайцтай шинэчлэлийн ажлыг үндэсний боловсон хүчин Баяжуулах үйлдвэрийн Засварын хэсгийнхэн гүйцэтгэж, 06-р сарын 24-нд хүлээлгэж өгөхөөр шамдан ажиллаж байна.
Нар минутад мандаж минутад жаргана.
Үс засуулвал: 
Суудал: 
