Хүний нөөц, захиргааны хэлтсийн ажилтнуудын сургалт, томилолтоор ажилласан тайлантай танилцах “Мэдлэг хуваалцах” өглөөний хэлэлцүүлэг өнөөдөр боллоо. Хэлэлцүүлгийн эхэнд Албан хэрэг хөтлөлтийн мэргэжилтэн Э.Цацрал “Бүтээмжийн мэргэжилтэн бэлтгэх вакум сургалт”-д хамрагдсан талаараа мэдээлэл хийв. Мөн сургалт, хөтөлбөрт хамрагдан томилолтоор ажилласан тус хэлтсийн мэргэжилтнүүдийн дунд Пенал хэлэлцүүлэг өрнөж, санал бодлоо солилцлоо.
“Өглөөний хэлэлцүүлэг”-ийн ач холбогдлын талаар Хүний нөөц, захиргааны хэлтсийн дарга О.Отгонбаяраас тодруулахад: “Сүүлийн жилүүдэд манай хэлтсээс нийт ажилтнуудынхаа мэдлэг ур чадварыг дээшлүүлэх ажлуудыг жил бүр уламжлал болгон зохион байгуулж байна. Түүний нэг нь өнөөдрийн “Мэдлэг хуваалцах” өглөөний хэлэлцүүлэг юм. Энэ хэлэлцүүлгийг бид панел хэлбэрээр зохион байгууллаа. Тэгэхээр хагас жилийн хугацаанд сургалтад хамрагдсан ажилтнууд маань мэдлэг, туршлагаа хамт олондоо хуваалцаж, өөрийнхөө ажилд болон хэлтсийнхээ үйл ажиллагаанд хувь нэмэр оруулахуйц ямар шинэлэг ажлууд хэрэгжүүлэх талаараа танилцууллаа. Өөрөөр хэлбэл сургалтад суусан хүмүүс гурван шинэ санааг үйл ажиллагаандаа заавал хэрэгжүүлэх шаардлага тавьж байгаа нь онцлог юм. Хүн өөрөө хөгжиж байж, байгууллагаа хөгжүүлдэг шүү дээ. Манай хэлтсийн тухайд Олон улсын хэмжээнд үйл ажиллагаа явуулах эрх бүхий аудитор гурав гарсан байна. Мөн хэлтсийнхний 80 хувь нь Монгол улсын хэмжээнд үйл ажиллагаа явуулах стандартын аудитороор бэлтгэгдлээ. ISO-19011 стандартын дагуу хяналт шалгалт явуулах эрх бүхий 10 аудитор, бүтээмжийн гурван мэргэжилтнийг тус тус бэлтгээд байна. Ажилтнууд тасралтгүй мэргэжил мэдлэгээ дээшлүүлснээр илүү чадваржиж, эргээд хэлтсийн үйл ажиллагаанд эерэг нөлөө үзүүлнэ” гэж ярилаа.
Нар минутад мандаж минутад жаргана.
Үс засуулвал: 
Суудал: 
