“Манайлал, авьяас чадвар”-ын хөтөлбөрийн хүрээнд “Системийн сэтгэлгээний онцлог, зарим арга хэрэгсэл” сэдэвт сургалт Эрдэнэт цогцолбор дээд сургууль дээр өнөөдөр боллоо. Энэхүү сургалтыг Монгол Улсын Засгийн газрын хэрэгжүүлэгч агентлаг, Удирдлагын академи, “Эрдэнэт үйлдвэр” ТӨҮГ-тай хамтран зохион байгуулав. Сургалтын эхэнд Анагаах ухааны доктор, дэд профессор Ч.Эрдэнэчимэг, Э.Ариунаа нар “Системийн сэтгэлгээний тухай ойлголт, онцлог”,”Системийн сэтгэлгээний арга хэрэгсэл”, “Ёс зүйг дээдлэн үлгэрлэн манлайлах арга хэлбэр” сэдвээр тус тус илтгэл тавьж хэлэлцүүлсэн юм. Уг сургалтын ач холбогдлын талаар Эрдэнэт үйлдвэрийн Захиргаа, удирдлага, санхүүгийн газрын дарга Д.Үүрийнтуяа хэлэхдээ: “Эрдэнэт үйлдвэр хөгжлийн бодлогоо 2031 он хүртэл тодорхойлсон. Энэ хөгжлийн бодлого, хөтөлбөрийг хэрэгжүүлэхэд ажиллах боловсон хүчнээ бэлтгэх, хүний нөөцийн асуудал хамгийн чухал нь юм. Эрдэнэт үйлдвэр 60-70 жил ажиллах нөөцтэйг манай геологич, уурхайчид тогтоосон. Цаашид үйлдвэрийг бүтээмж өндөртэй авч явах боловсон хүчин, удирдах албан тушаалтан манлайлагчдыг бэлтгэх нь аль ч байгууллагын бодлого байх ёстой. Энэ утгаараа бид Хүний нөөцийн цогц хөтөлбөрийг 2019 онд батлан хэрэгжүүлж эхэлсэн. “Манайлал, авьяас учадвар”-ын хөтөлбөр гурав дах жилдээ хэрэгжиж байна. Цаашид анхан шатны нэгжийн удирдлагаас эхлээд сул орон тоо гарахад хамгийн түрүүнд энэ хөтөлбөрт хамрагдсан залуучуудаас томилох асуудлыг Хүний нөөцийн бодлогын хүрээнд барьж ажиллаж байна. Өнгөрсөн жилээс 18 залуу боловсон хүчин үйлдвэрийн удирдлагын түвшинд томилогдон ажиллаж байх жишээтэй. Энэ нь ирээдүйд Эрдэнэт үйлдвэрийг авч явах удирдлагын багийг бодлогоор бэлтгэж буй үйл ажиллагаа. Тэгэхээр Төрийн удирдлагын албан тушаалтнуудыг бэлтгэдэг Удирдлагын академитай хамтран энэ сургалтыг явуулж байгаа нь онцлог юм. “Манлайлал, авьяас чадвар”-ын хөтөлбөрт 345 ажилтан хамрагдаад явж байна. Манай инженер техникийн ажилтнууд, үйлдвэрлэлийн нарийн мэргэжлийн хүмүүсийг удирдах албан тушаалтнаар бэлтгэхэд менежментийн ур чадвар, эдийн засгийн ухааны ойлголт, хүн удирдах арга барилд сургах маш чухал юм. Өнөөдрийн байдлаар уурхай гүнзгийрэхийн хэрээр хүдрийн хатуулаг нэмэгдэж, өртөг зардал өсөж байгаа. Иймээс Эрдэнэт үйлдвэр хүчин чадлаа 40 сая тоннод хүргэх зорилттой ажиллаж байна. Цаашид үйлдвэрийг үр ашигтай, өртөг зардал багатай, бүтээмж өндөртэй ажиллуулахад удирдах албан тушаалтнуудын манлайлал, удирдлагын арга барил, менежментийн ур чадварыг хэрэгжүүлэх ёстой. Тэгхээр залуу удирдах ажилтнуудыг бэлтгэхдээ салбар дундын шинжлэх ухаанаар ажиллах боломжийг бүрдүүлж, ур чадвар суулгахыг зорьж байна” хэмээн онцлов.
Нар минутад мандаж минутад жаргана.
Үс засуулвал: 
Суудал: 
