Засвар механикийн заводыг үндэсний машин үйлдвэрлэлийн суурь болгон хөгжүүлэх өргөтгөл шинэчлэлийн хүрээнд шинэ тоног төхөөрөмжүүд нийлүүлэгдэж байна. Механик цехийн Металл хийцийн хэсэгт Турк улсад үйлдвэрлэсэн төмөр хуйлах төхөөрөмжүүд хүлээн авч, угсарч тохируулан өнгөрсөн баасан гарагт ашиглалтад орууллаа. Угсралт тохируулгыг Турк улсын мэргэжилтнүүд ирж гүйцэтгэв. 4R HSS 30-550NC, 4R HSS 30-550NC маркийн төхөөрөмжүүд нь 20-50 мм зузаантай хуудсан ган төмрийг хүссэн хэмжээс хүртэл хуйлах боломж бүрджээ.
Энэ тухай ЗМЗ-ын Тэргүүлэх механикч М.Өлзийбаяр: “2023 оны үндсэн хөрөнгийн захиалгын дагуу төмөр хуйлах хоёр төхөөрөмжийг авч, угсарч суурилууллаа. ЗХУ-д үйлдвэрлэж, 1978 онд суурилагдсан хуучин хоёр төхөөрөмжийг орчин үеийн хагас автомат удирдлагатай тоног төхөөрөмжөөр сольж байна. Энэхүү тоног төхөөрөмжийг суурилуулснаар Баяжуулах үйлдвэрийн захиалгат том оврын төмөр хийцүүдийг богино хугацаанд хэмжээсийн алдагдалгүй, чанартай үйлдвэрлэх боломж бүрдэх юм. Мөн ажилтны хөдөлмөрийг хөнгөвчлөхөд уг төхөөрөмжүүд чухал ач холбогдолтой” гэв.
Нар минутад мандаж минутад жаргана.
Үс засуулвал: 
Суудал: 
