“Эрдэнэт үйлдвэр ТӨҮГ”-ын гэрээт Дотоодын цэргийн 816-р ангийн хамгаалалтын ажилтан, ахлагч Н.Жандос “Улаанбаатар марафон-2024” Олон улсын гүйлтийн тэмцээний 42 км-ийн зайд шагналт 6-р байрт орж, хүрэл медаль хүртжээ. Энэхүү марафонд гадаад, дотоодын 30 мянган гаруй гүйгч оролцсон юм. Н.Жандосыг Эрдэнэт хотноо ирэхэд Эрдэнэт үйлдвэрийн гэрээт Дотоодын цэргийн 816-р ангийн удирдлага, хамт олны төлөөлөл хүндэтгэн угтаж, баяр хүргэв. Энэ үеэр Н.Жандос, ““Улаанбаатар марафон-2024” тэмцээнд амжилттай оролцсондоо баяртай байна. Цаг агаар сайхан ч замын нөхцөл хүнд байлаа. Маш их тэсвэр тэвчээр шаардсан уралдаан боллоо. Марафоны бэлтгэл хийх боломжоор хангасан Д.Гантөмөр даргатай 816-р ангийн нийт бие бүрэлдэхүүн, хамт олондоо маш их баярлалаа” гэв. Мөн ангийн захирагч, дэд хурандаа Д.Гантөмөр хэлэхдээ, “Манай нэгдүгээр салбарын хамгаалалтын ажилтан, ахлагч Н.Жандос Олон улсын марафонд амжилттай оролцсонд бид баяртай байна. Монголын тамирчдаас хоёрдугаар байрт шалгарч, Төрийн цэргийн байгууллагын ажилтнуудаа манлайлан оролцсоныг тодотгон хэлэхэд таатай байна. Бид захирагчийн тушаалаар ажлаас түр чөлөө өгч, тэмцээнд оролцох боломжоор хангасан. Хамт олныхоо итгэлийг дааж, өндөр амжилт гаргасан Н.Жандостаа баяр хүргэж, улам их амжилт хүсье” гэв.
Н.Жандос 2019 онд Япон улсад болсон Олон улсын марафоны 42 км-ийн зайд 8-р байр эзэлсэн бол “Улаанбаатар марафон-2023”-д тавдугаар байрт шалгарсан шандастай тамирчин юм.
Нар минутад мандаж минутад жаргана.
Үс засуулвал: 
Суудал: 
